11:12, 22 - ءساۋىر 2019 | GMT +6
قاراعاندىدا جەڭىل ۇشاق اپاتقا ۇشىراپ، ەكيپاج مۇشەلەرى كوز جۇمدى
نۇر-سۇلتان. قازاقپارات - قاراعاندى اەرودرومىندا شاعىن اۆياتسيا ساناتىنداعى ۇشاق اپاتقا ۇشىرادى. بۇل تۋرالى ق ر ي ي د م ازاماتتىق اۆياتسيا كوميتەتى ءمالىم ەتتى، دەپ حابارلايدى قازاقپارات ءتىلشىسى.
«كەشە ساعات 16:25 كەزىندە وقۋ-جاتتىعۋ شارالارىن ورىنداۋ كەزىندە قونۋعا باعىت العان FK14 «پولياريس» ءتيپتى جەڭىل اۆياتسيا ۇشاعى اپاتقا ۇشىرادى. اپات بالاپان اۋەايلاعىندا (قاراعاندى) ورىن الدى. الدىن الا مالىمەتتەرگە قاراعاندا، 2 ادامنان تۇراتىن ەكيپاج قازا بولدى»، - دەلىنگەن حابارلامادا.
اتالعان اۆياتسيالىق اپات بويىنشا ق ر يندۋستريا جانە ينفراقۇرىلىمدىق دامۋ مينيسترلىگىنىڭ اۆياتسيالىق وقيعالاردى تەرگەۋ بويىنشا باسقاراماسى تەكسەرۋ شارالارىن باستاپ كەتتى.