+7 (701) 759 90 19
5 °С : نۇر-سۇلتان
18 °С : الماتى
USD 389.81 EUR 430.27
RUB 6.06 CNY 54.91
جاڭالىقتار

ينۆەستيتسيالىق ومبۋدسمەن مىندەتتەرى پرەمەر-مينيسترگە جۇكتەلدى

22 ءساۋىر 10:44
:ءبولىسۋ
ينۆەستيتسيالىق ومبۋدسمەن مىندەتتەرى پرەمەر-مينيسترگە جۇكتەلدى

نۇر-سۇلتان. قازاقپارات - قازاقستاندا ينۆەستيتسيالىق ومبۋدسمەن مىندەتتەرى ۇكىمەت باسشىسى اسقار مامينگە جۇكتەلدى، دەپ حابارلايدى قازاقپارات ءتىلشىسى.

«ينۆەستيتسيالار جونىندەگى ومبۋدسمەن بولىپ قازاقستاننىڭ پرەمەر-ءمينيسترى تاعايىندالعانىن اتاپ ءوتۋ ماڭىزدى. ەلىمىزدە الداعى ۋاقىتتا «استانا» ح ق و ينۆەستيتسيالاردى تارتۋ جانە قازاقستاننىڭ ينۆەستيتسيالىق يميدجىن ىلگەرىلەتۋ جونىندەگى جۇمىستى ۇيلەستىرۋ بويىنشا ءبىرىڭعاي ورتالىق بولىپ ايقىندالادى. ول وڭىرلىك ينۆەستيتسيالىق حاب بولادى. سول سياقتى وندا ينۆەستورلارعا «ءبىر تەرەزە» قاعيداتى بويىنشا قىزمەت كورسەتۋ جانە ينۆەستيتسيالىق جوبالاردىڭ ءبىرىڭعاي پۋلىن قالىپتاستىرۋ ورتالىقتاندىرىلادى. «Kazakh Invest» اكسيونەرلىك قوعامى «استانا» حالىقارالىق قارجى ورتالىعىنىڭ اكىمشىلىگىنە سەنىمگەرلىك باسقارۋعا بەرىلەدى. جوبالاردى قالىپتاستىرۋ مەن سۇيەمەلدەۋدىڭ ءبىرىڭعاي اقپاراتتىق جۇيەسى قۇرىلادى. زاماناۋي سيفرلىق تەحنولوگيالاردى ەنگىزۋمەن ۆيزا جانە كوشى-قون رەجىمىن ودان ءارى ىرىقتاندىرۋ بويىنشا شارالار قابىلداناتىن بولادى»، - دەدى پرەمەر-ءمينيستردىڭ ءبىرىنشى ورىنباسارى-قارجى ءمينيسترى ءاليحان سمايىلوۆ.

ءبىرىنشى ۆيتسە-پرەمەر نۇر-سۇلتان قالاسى مەن حالىقارالىق قارجى ورتالىقتارى اراسىندا تىكەلەي اۋە قاتىناستارىنىڭ گەوگرافياسى كەڭەيتىلەتىنىن ايتىپ ءوتتى.

«جوعارعى سوتپەن جانە باس پروكۋراتۋرامەن بىرلەسىپ، ينۆەستيتسيالىق كليماتتى ودان ءارى جاقسارتۋ، ينۆەستورلاردىڭ قۇقىقتارىن قورعاۋ جانە زاڭنىڭ ۇستەمدىگىن قامتاماسىز ەتۋ جونىندە ۇسىنىستار ازىرلەنەدى. جاڭا ارحيتەكتۋرا شەڭبەرىندە جوبالاردى جىلجىتۋ بىلايشا بولادى: ءبىرىنشى كەزەڭدە - وڭىرلىك ينۆەستيتسيالىق حابقا بارلىق الەۋەتتى ينۆەستيتسيالىق جوبالار ورتالىقتاندىرىلىپ جينالادى. ەكىنشى كەزەڭدە - «استانا» حالىقارالىق قارجى ورتالىعىنان ساراپشىلار مەن كونسۋلتانتتاردى تارتا وتىرىپ، «Kazakh Invest» بازاسىنداعى جوبالاردى وڭدەۋ جانە تالداۋ جاسالادى. جوبالار شەتەلدىك ينۆەستورلار ءۇشىن تۇسىنىكتى فورماتتارعا كەلتىرىلەدى. ءۇشىنشى كەزەڭ - «استانا» حالىقارالىق قارجى ورتالىعىنىڭ قولداعى بار مۇمكىندىكتەرى مەن سىرتقى ىستەر مينيسترلىگىنىڭ ينفراقۇرىلىمىن پايدالانا وتىرىپ، قولدانىسقا دايىن جوبالاردى جىلجىتۋ. ءتورتىنشى كەزەڭ - «استانا» حالىقارالىق قارجى ورتالىعىنىڭ زاڭدىق ينفراقۇرىلىمىن پايدالانا وتىرىپ، ينۆەستيتسيالىق حاب بازاسىندا كەلىسىمشارتتار جاساسۋ»، - دەيدى ول.

ەلىمىزدە پرەمەر-مينيستر اسقار ءماميننىڭ توراعالىعىمەن ينۆەستيتسيالار تارتۋ جونىندەگى ۇيلەستىرۋ كەڭەسى قۇرىلعانىن بۇعان دەيىن حابارلاعان بولاتىنبىز.


باستى سوزدەر: بيلئك جانة ساياسات,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات