+7 (701) 759 90 19
-20 °С : نۇر-سۇلتان
-9 °С : الماتى
USD 387.37 EUR 428.55
RUB 6.06 CNY 55.06
جاڭالىقتار

ازيا چەمپيوناتى: كوكپاردان قازاقستان قۇراماسى چەمپيون اتاندى

22 ءساۋىر 09:58
:ءبولىسۋ
ازيا چەمپيوناتى: كوكپاردان قازاقستان قۇراماسى چەمپيون اتاندى

نۇر-سۇلتان. قازاقپارات - الماتىدا ۇلتتىق ات سپورتىنان ءوتىپ جاتقان 1- ازيا چەمپيوناتىنىڭ سوڭعى كۇنى كوكپاردان قازاقستان جاستار ۇلتتىق قۇراماسى چەمپيون اتاندى، دەپ حابارلايدى قازاقپارات ءتىلشىسى.

ق ر ۇلتتىق سپورت قاۋىمداستىعى ءمالىم ەتكەندەي، كوكپاردان فينالدا قازاقستان قۇراماسى مەن مونعوليا قۇراما كومانداسى باس جۇلدەنى ءوزارا ساراپقا سالدى.

توپتىق كەزەڭدەردە ەشكىمگە دەس بەرمەگەن قوس كوماندا اراسىنداعى سايىس بۇگىن دە تارتىسقا تولى بولدى. تارتىسقا تولى ءبىرىنشى كەزەڭدە جەرلەستەرىمىز 2:1 ەسەبىمەن جەڭىسكە جەتتى. ال شەشۋشى، ياعني ەكىنشى كەزەڭدە وتانداستارىمىز ەسەپتى 8:3 كە جەتكىزىپ، بايان-ولگەيدەن كەلگەن قارسىلاستارىن ايقىن باسىمدىلىقپەن ۇتىپ، 1- ازيا چەمپيوناتىنىڭ چەمپيونى اتاندى.

جارىستى جەرگىلىكتى جانكۇيەرلەرمەن قاتار بۇكىل الەمدىك ەتنوسپورت كونفەدەراتسياسىنىڭ Ⅱحالىقارالىق فورۋمىنا كەلگەن شەتەلدىك قوناقتار دا تاماشالادى.

وسىلاي ەلباسىنىڭ تىكەلەي تاپسىرماسىمەن جاريالانعان جاستار جىلى اياسىندا ق ر ۇلتتىق سپورت تۇرلەرى قاۋىمداستىعىنىڭ ۇيىمداستىرۋىمەن وتكەن جاستار اراسىنداعى تۇڭعىش ازيا چەمپيوناتىنىڭ كوكپار بويىنشا جەڭىمپازى قازاقستان قۇراماسى بولدى.

ال كوكپاردان ءۇشىنشى ورىنعا وزبەكستان مەن قىتاي قۇرامالارى تالاستى. ويىننىڭ العاشقى بولىگىندە العاش ەسەپتى قىتايلىق جىگىتتەر اشتى. الايدا، ءبىرىنشى تايم 1:1 ەسەبىمەن تەڭ اياقتالدى. ەكىنشى كەزەڭدە دە قوس كوماندا ءبىر-ءبىر سالىمنان سالىپ، ەسەپ 2:2 ءى بولىپ كوماندالار تەڭ ويىن ناتيجەسەىن تىركەدى. سونىمەن، تورەشىلەر جاعى قوس كومانداعا قوسىمشا ۋاقىت بەلگىلەدى. بۇل مۇمكىندىكتى وڭ پايدالانعان وزبەكستاندىق كوكپارشىلار ءبىر سالىم سالىپ، ۇلگەرىپ، ەسەپتى 3:2 گە جەتكىزدى. بۇل كورسەتكىش قوسىمشا ۋاقىتتىڭ سوڭىنا دەيىن وزگەرمەگەندىكتەن جەڭىس وزبەكستان كوكپارشىلارىنىڭ قانجىعاسىنا بايلاندى.

ەستەرىڭىزگە سالا كەتەيىك، ۇلتتىق ات سپورتىنان وتكەن 1- ازيا چەمپيوناتىندا سارى قۇرلىقتىڭ 10 ەلىنەن كەلگەن سپورتشىلار سپورتتىڭ كوكپار، اۋدارىسپاق، تەڭگە ءىلۋ جانە جامبى اتۋ سپورتىنان جۇلدەلى ورىنداردى ءوزارا ساراپقا سالدى.

اۆتور: كۇنسۇلتان وتارباي


باستى سوزدەر: قوعام, سپورت,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات