+7 (701) 759 90 19
-22 °С : نۇر-سۇلتان
-9 °С : الماتى
USD 386.44 EUR 428.37
RUB 6.06 CNY 54.93
جاڭالىقتار

قوستانايدا «ونەر بارىسى» انىقتالدى

22 ءساۋىر 10:31
:ءبولىسۋ
قوستانايدا «ونەر بارىسى» انىقتالدى

قوستاناي. قازاقپارات - قوستانايدا ەكىنشى رەت مادەنيەت، ونەر سالاسىندا جۇرگەن ازاماتتار اراسىندا «ونەر بارىسى» تۋرنيرى ءوتتى، دەپ حابارلايدى قازاقپارات.

وبلىستىق مادەنيەت جانە سپورت باسقارمالارىنىڭ قولداۋىمەن وتكەن بيىل 30 عا جۋىق اۋەسقوي بالۋان تىركەلگەن. وبلىستىق مادەنيەت باسقارماسىنىڭ باسشىسى ەرلان قالماقوۆتىڭ سوزىنشە، جارىس ەكىنشى جىل قاتارىنان قايىرىمدىلىق ماقساتتا ۇيىمداستىرىلىپ وتىر.

«بۇل جوباعا وبلىستىق قازاق دراما تەاترىنىڭ ءارتىسى تولەندى ءالقوجا باستاماشى بولدى. مادەنيەت باسقارماسى ءارتىستىڭ بۇل ۇسىنىسىن قولدادى. 1-2 اي دايىندالىپ، مادەنيەت جانە ونەر قىزمەتكەرلەرىنىڭ كۇنىنە ورايلاستىرىپ وتكىزدىك. وسىنداي اۋقىمدى جارىستىڭ باسقا وڭىرلەردە، اسىرەسە، نۇر-سۇلتان قالاسىندا وتكەنىنە قۋانىشتىمىز. بۇل «ونەر بارىسىنىڭ» جاڭا دەڭگەيدە شىققانى دەپ بىلەمىز. ەڭ باستىسى، اتالعان تۋرنير «رۋحاني جاڭعىرۋ» باعدارالاماسىمەن مازمۇنداس»، - دەيدى باسقارما باسشىسى.


Қостанайда «Өнер барысы» анықталды

بىلتىرعى جارىستان تۇسكەن قارجى تورعاي سەلوسىنىڭ كىشكەنتاي تۇرعىنى اقەركە جەكسەنبايعا كوپ فۋنكتسيالدى ەستۋ اپپاراتىن ساتىپ الۋ ءۇشىن جۇمسالعانىن ايتا كەتەيىك.

سونىمەن، ەكى توپقا ءبولىنىپ بەلدەسكەن پالۋاندار اراسىندا 74 كەلگە دەيىنگى سالماقتا قۋانىش ابىليەۆ ءبىرىنشى ورىندى جەڭىپ الدى. ەكىنشى ورىندى ەسبول جاتقانوۆ ەنشىلەدى. ءۇشىنشى ورىنعا قانات راجانوۆ جايعاستى. ال اۋىر سالماقتا بەلدەسكەن توپ اراسىنان ءادىلحان سەيىلحان سۋىرىلىپ العا شىعىپ، «ونەر بارىسى» بەلدىگىن جەڭىپ الدى. نۇرمۇحامەد سەرىكبايەۆ تيىسىنشە ەكىنشى ورىندى ەنشىلەسە، ەلدار بالاحانوۆ جۇلدە كومبەسىنىڭ ءۇشىنشى ساتىسىنا كوتەرىلدى.


Қостанайда «Өнер барысы» анықталды

«وسى تۋرنيرگە قاتىسۋ ارقىلى ونەرپازداردىڭ سپورتتان الشاق ەمەس ەكەنىن بايقاۋعا بولادى. ءبىر جاعىنان، سالاماتتى ءومىر سالتىن ناسيحاتتاۋعا ۇلەس قوسىپ كەلەمىز دەپ ويلايمىن. باستىسى، جارىسقا قاتىسۋ ەدى. باعىم جانىپ ءبىرىنشى ورىندى يەلەندىم. بارىنەن بۇرىن جارىستىڭ قايىرىمدىلىق ماقساتتا وتكىزىلگەنى قۋانتادى»، - دەيدى قوستانايلىق «ونەر بارىسى».

يدەيا اۆتورى تولەندى ءالعوجيننىڭ ايتۋىنشا، بۇل تۋرنير ءداستۇرلى تۇردە جىل سايىن وتكىزىلەدى.

ايتا كەتەيىك، «ونەر بارىسى» رەسپۋبليكالىق ءتۋرنيرىنىڭ اۋىر سالماقتاعى باس جۇلدەسىن سىرىمبەت بيبوسىنوۆ جەڭىپ العان ەدى.


باستى سوزدەر: سپورت,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات