ەۋروپا حالىقتارىنىڭ كەدەيلىك يندەكسى جاريالاندى

نۇر-سۇلتان. قازاقپارات - فرانسيانىڭ ستاتيستيكا جانە ەكونوميكالىق زەرتتەۋلەر ۇلتتىق ينستيتۋتى (INSEE) ەۋروپاداعى كەدەيلىك تۋرالى زەرتتەۋ ناتيجەلەرىن جاريالادى، دەپ جازادى Le Monde باسىلىمى.

اۆتوردىڭ ايتۋىنشا، زەرتتەۋ ەۋرووداق قۇرامىنداعى مەملەكەتتەر اراسىندا كەدەيلىك كورسەتكىشى بويىنشا ۇلكەن ايىرماشىلىق بار ەكەنىن انىقتاعان.

«9 ميلليون فرانسۋزدىڭ تابىسى ەۋروپاداعى ورتاشا تابىستىڭ %60  نان تومەن، ياعني، ولاردىڭ كەدەيلىككە جاقىن ەكەنى انىقتالدى. بۇل جالپى ەۋرووداق بويىنشا %17,3 عا تومەن كورسەتكىش. چەحيا رەسپۋبليكاسىندا ەۋرووداق قۇرامىنداعى 28 مەملەكەت اراسىندا كەدەيلىك دەڭگەيى وتە تومەن. دەگەنمەن، مەملەكەتتىڭ ورتاشا تابىسى ايىنا 620 ەۆرونى قۇراسا، سەگىزىنشى ورىن العان اۆستريادا ورتاشا تابىس 1155 ەۆرو ەكەنىن ەسكەرۋ كەرەك»، دەپ جازادى باسىلىم.