قازاقستاندىق جاس عالىم قاۋىپ- قاتەردىڭ الدىن الاتىن جاڭا جۇيە ويلاپ تاپتى
جوبا اۆتورىنىڭ ايتۋىنشا، بۇل جاڭاشىلدىقتى قورعانىس، سپورت، مەديتسينا، ءوندىرىس سياقتى ءتۇرلى سالادا قولدانۋعا بولادى. عالىمنىڭ بۇدان وزگە ەلەكتر ترانسفورماتورىن ءتيىمدى پايدالانۋعا جانە اۋىزسۋدى ۇنەمدەۋگە ارنالعان جوبالارى بار. ادامنىڭ قاي كەزدە داعدارىسقا نەمەسە ماگنيتتىك داۋىل كۇندەرىنە تاپ كەلەتىندىگىن الدىن الا بىلۋگە بولادى.
ياعني ءۇش ايدان ءبىر جىل ارالىعىندا قولايسىز كۇندەردى انىقتاۋ مۇمكىندىگى بار. جاس عالىم، ونەرتاپقىش ءامىر قۋاتتىڭ عىلىمي جوباسى ادامي فاكتوردى بولدىرماۋدى كوزدەيدى. الدىمەن ارنايى باعدارلاماعا ادامنىڭ تۋعان كۇنى مەن ايى، جىلى ەنگىزىلەدى. سول اقپارات بويىنشا كەستە ادام اعزاسىنداعى ينتەللەكتۋالدىق، ەموتسيونالدىق جانە فيزيكالىق بيوىرعاقتاقتاردىڭ قانداي ەكەندىگىن انىقتاپ بەرەدى. وسى بيوىرعاقتاردى قاپەرگە العان جاعدايدا ادام ومىرىنە قاۋىپ تونبەيدى. ماسەلەن، سوڭعى بولعان تىكۇشاق اپاتى جايىندا بيوتەحنولوگ عالىم ءامىر قۋاتتىڭ جەكە پىكىرى مىناداي.
ءامىر قۋات، بيوتەحنولوگ عالىم:
- ەكيپاج ءۇش پوتەنسيال جاعىنان ءبىر- بىرمەن سايكەس كەلمەيدى. بيوپوتەنتسيال جاعىنان قولايسىز جاعدايلار بولدى. كريتيكالىق جاعدايلار ءۇش پوتەنسيالدىڭ ەكەۋىندە بولدى. ول دەگەنىمىز نە؟ ەكسترەمالدى جاعداي كەزىندە ادام قولايسىز شەشىمدەر قابىلداۋى مۇمكىن. بۇل جۇيەنىڭ تيىمدىلىگى سپورتتا دا دالەلدەگەن.
بىرنەشە جىلدان بەرى سپورتشىلارعا كومەك كورسەتىپ كەلەدى. ماسەلەن، گەنناديي گولوۆكين مەن ساۋل الۆارەستىڭ العاشقى كەزدەسۋىنىڭ ءوتۋ مەرزىمى بەلگىلەگەندە ءدال وسى ءامىر قۋاتتىڭ قاۋىپ- قاتەردى باسقارۋ جۇيەسى نازارعا الىنعان.
ءامىر قۋات، بيوتەحنولوگ عالىم:
- گولوۆكين الۆارەسپەن العاشقى كەزدەسۋىن كوكتەمدە جوسپارلاعان. كەيىن جوسپارىن كۇزگە ىعىستىردى. ونىڭ ءبىر سەبەبى، بيوپوتەنسيالدىق جاعىنان قولايسىز جاعدايعا تاپ بولدى. بەرگەن ۇسىنىس بويىنشا ەڭ قولايلى ۋاقىت كۇز بولىپ ەسەپتەلدى.
ءامىر «بيوۆ» قاۋىپسىزدىك تەحنيكاسىنىڭ اۆتورلىق جۇيەسى ادام ءومىرىن ساقتايدى دەگەن سەنىمدە. ونى زەرتتەۋلەر ناتيجەسى كورسەتكەن. بارلىعى سالاعا ءتيىمدى. ەڭ تاجىريبەلى جانە قاۋىپسىزدىك ماسەلەسىنە اسا مۇقيات قارايتىن جۇمىسشىنىڭ نەمەسە ماماننىڭ ءوزى دە قاتەلەسۋى مۇمكىن. ءبىراق سول قاتەنى قاي ۋاقىتتا جاسايتىنىن ەشكىم بىلمەيدى. «100 جاڭا ەسىم» جوباسىنىڭ جەڭىمپازى ءامىر قۋاتتىڭ عىلىمي- زەرتتەۋى سول قاۋىپ- قاتەردىڭ الدىن الۋعا كومەكتەسەدى.