حالىق جازۋشىسى مۇحتار ماعاۋيننىڭ ۆەب- سايتى اشىلدى

None
None
نۇر-سۇلتان. قازاقپارات -  قازاقستاننىڭ حالىق جازۋشىسى، اباي اتىنداعى مەملەكەتتىك سىيلىق لاۋرەاتى، تۇركيانىڭ حالىقارالىق «تۇرىك دۇنيەسىنە قىزمەت» سىيلىعىنىڭ يەگەرى، ۋلان- باتورداعى حالىقارالىق شىڭعىس حان اكادەمياسىنىڭ قۇرمەتتى اكادەميگى مۇحتار  ماعاۋيننىڭ  ۆەب- سايتى اشىلدى،

 دەپ حابارلايدى «مادەنيەت پورتالى» بەلگىلى جۋرناليست ايا ءومىرتايدىڭ facebook پاراقشاسىنا سىلتەمە جاساپ.

 ايا ءومىرتاي: «قالامگەردىڭ بارلىق شىعارماسىمەن وسى جەردەن تانىسۋعا بولادى. روماندار، حيكاياتتار، اڭگىمەلەر بارلىعى وسىندا. ەستەلىكتەرى، فوتوسۋرەتتەرى، كەيىنگى جازبالارى كەلەشەكتە تولىقتىرىلىپ وتىرماق. ال سايتتىڭ موبيلدى نۇسقاسى ازىرگە ويلاستىرىلىپ جاتقان كورىنەدى. ويتكەنى شىعارمالار تىم كولەمدى بولعاندىقتان جۇكتەپ وقۋ قيىنداۋ بولادى ەكەن.

قازىر شىعارمالارىنىڭ 25 تومدىق «تولىق جيناعىن» باسپاعا ازىرلەپ جاتىر. ال بۇيىرسا، كەلەسى جىلى اتامىز سەكسەننىڭ سەڭگىرىنە شىعادى. تولاعاي تابىستار تىلەيمىن! سونىمەن ماعاۋين تانۋشىلار، كوڭىل كۇيلەرىڭىز قالاي؟ وسىناۋ تاماشا جاڭالىقتى ءوزىمىز بولىپ ءبىر تويلاپ جىبەرسەك جاراساتىن سياقتى. ايتپاقشى، سايت ميلليونداپ بولىنگەن مەملەكەتتىڭ قارجىسىنا جاسالعان دۇنيە ەمەس. بار بولعانى جازۋشىنىڭ نەمەرەسى باتۋ اتاسىنىڭ جازعان- سىزعانىن ءبىر جەرگە وسىلاي جيناقتاپتى. وقىرمانعا تارتۋى ەسەبىندە قابىل كورىڭىزدەر. ۇسىنىستار بولسا، مارحابات!»، - دەدى.

جازۋشى، ادەبيەت زەرتتەۋشىسى، ءارى تاريحشى مۇحتار  ماعاۋيننىڭ قالامگەرلىك قىزمەتى جيىرما جاسىنان باستالادى. العاشقى اڭگىمەلەرىنەن- اق ۇلكەن كوركەمدىك بيىككە جەتەدى. الايدا، كوپ ۇزاماي، جيىرما بەس جاسىندا ادەبيەت تاريحشىسى رەتىندە اتاققا شىعادى: مۇحتار ماعاۋين قازاق ورداسى - ХV-ХVІІІ عاسىرلاردا جاساعان، بۇل كەزدە مۇلدە دەرلىك ۇمىتىلعان ەسكىلىكتى قازاق پوەزياسىن قايىرا اشىپ، رەسمي ادەبيەت تاريحىنا ەنگىزگەن ەدى. بۇدان سوڭعى كەزەڭدە عىلىمنان قول ۇزبەسە دە، كوركەم پروزاعا ءبىرجولا بەت قويىپتى. كوپتەگەن اڭگىمە، حيكاياتتار، تىڭ تاقىرىپ، وزگەشە قۇرىلىمدى روماندار جازادى.

بۇل شىعارمالاردا قازاق حالقىنىڭ وتكەننەن بۇگىنگە دەيىنگى ءومىرى مەن تاريحىنداعى ەلەۋلى كەزەڭدەر قامتىلعان. سوڭعى جىلداردا مۇحتار ماعاۋين ەجەلگى تاريحقا تازا عىلىمي تۇرعىدا قايتىپ ورالىپ، ءتورت تومدىق «شىڭعىس حان جانە ونىڭ زامانى» اتتى تۇبەگەيلى زەرتتەۋ ەڭبەك جازىپ، جارياعا جەتكىزدى. مۇحتار ماعاۋيننىڭ الپىس جىلدىق شىعارماشىلىق قىزمەتى - جازۋشىلىق، عىلىمي زەرتتەۋ، تاريح جانە ادەبي سىن، كوسەمسوز تارابىندا جازعان ەڭبەكتەرى بۇگىندە تولىق جيىرما بەس توم بولىپ تۇر.

حالىق جازۋشىسىنىڭ ۆەب- سايتىنا مىنا سىلتەمە  ارقىلى وتەسىزدەر.

سوڭعى جاڭالىقتار