مەملەكەت باسشىسى قوردايدا جول اپاتىنان قازا تاپقانداردىڭ جاقىندارىنا كوڭىل ايتتى
بۇل تۋرالى مەملەكەت باسشىسى تۆيتتەردەگى پاراقشاسىندا جازدى. «قورداي تاس جولىندا بولعان ءىرى جول اپاتىنان 11 ادام كوز جۇمدى. اراسىندا وزبەكستان ازاماتتارى بار. تۋعان- تۋىسقاندارىنىڭ قايعىسىنا ورتاقتاسىپ، كوڭىل ايتامىن. وزبەكستان پرەزيدەنتىنە جەدەلحات جىبەردىم. ءبىزدىڭ جولدارىمىزدىڭ احۋالى ۇلكەن الاڭداۋشىلىق تۋدىرىپ وتىر. ءى ءى م- دە وتكەن كەڭەستە وسى ماسەلەنى ايتتىم. ۇكىمەتكە شۇعىل تۇردە شارالار قابىلداۋدى ۇسىندىم»، - دەپ جازدى پرەزيدەنت.
قازاقستان پرەزيدەنتى قاسىم- جومارت توقايەۆ وزبەكستان رەسپۋبليكاسىنىڭ پرەزيدەنتى شاۆكات ميرزييەۆكە جامبىل وبلىسىنداعى جول اپاتى سالدارىنان كوز جۇمعان وزبەكستان ازاماتتارىنىڭ اۋىر قازاسىنا بايلانىستى كوڭىل ايتۋ جەدەلحاتىن جولدادى.
«ورنى تولماس قايعىلارىڭىزعا ورتاقتاسا وتىرىپ، قازاقستان حالقىنىڭ جانە جەكە ءوزىمنىڭ اتىمنان قازا بولعانداردىڭ تۋىستارى مەن جاقىندارىنا شىنايى كوڭىلىمىزدى جەتكىزۋىڭىزدى سۇرايمىن. زارداپ شەككەندەردىڭ تەزىرەك ساۋىعىپ، وتباسىلارىمەن قايتا قاۋىشۋىنا تىلەكتەستىك بىلدىرەمىن»، - دەلىنگەن جەدەلحاتتا.