14:32, 20 - ءساۋىر 2019 | GMT +6
سولتۇستىك كورەيانىڭ كوشباسشىسى پۋتينمەن كەزدەسپەك
نۇر-سۇلتان. قازاقپارات- رەسەي- سولتۇستىك كورەيا سامميتى ۆلاديۆوستوك قالاسىندا ءوتۋى مۇمكىن.
دەسە دە، بيلىك وكىلدەرى قاۋىپسىزدىك شارالارىن ساقتاۋ ماقساتىندا شارا وتەتىن قالانى ناقتى اتاماي، ازىرگە قۇپيا ساقتاپ وتىر.
رەسمي كرەملدىڭ مالىمدەۋىنشە، سولتۇستىك كورەيانىڭ كوشباسشىسى كيم چەن ىن پرەزيدەنت ۆلاديمير پۋتينمەن كەلىسسوز جۇرگىزۋ ءۇشىن ەلگە وسى ءساۋىر ايىندا كەلەدى. بۇل كيم بيلىككە كەلگەلى رەسەي مەن سولتۇستىك كورەيا اراسىنداعى العاشقى سامميت بولماق.
ايتا كەتەيىك، كيم چەن ىننىڭ رەسەيگە ساپارى ا ق ش اكىمشىلىگىمەن اراداعى كەلىسپەۋشىلىكتەردەن كەيىن جاريالاندى. بۇعان دەيىن حانويدا وتكەن دونالد ترامپ پەن كيم چەن ىننىڭ كەزدەسۋى ءساتسىز اياقتالعان بولاتىن.