قوستاناي وبلىسىندا زاڭسىز ءدىني ۇيىم انىقتالدى

قوستاناي. قازاقپارات - قوستاناي وبلىسىنىڭ پوليتسيا دەپارتامەنتى رۋدنىي قالاسىندا «فارحات- اتا» ءادىسى بويىنشا ەمدەۋمەن اينالىساتىن تىيىم سالىنعان «الليا ايات» بىرلەستىگىنىڭ قىزمەتىن انىقتادى، دەپ حابارلايدى قازاقپارات وبلىستىق پوليتسيا دەپارتامەنتىنىڭ باسپا ءسوز قىزمەتىنە سىلتەمە جاساپ.

رۋدنىي قالاسىنىڭ ەكى تۇرعىنى اتالعان اعىمدى ۇيىمداستىرعانى ءۇشىن اكىمشىلىك جاۋاپكەرشىلىككە تارتىلدى. ولارعا 50 ا ە ك كولەمىندە ايىپپۇل سالىندى.

«رۋدنىي قالاسىنىڭ سوتى زاڭسىز ءدىني ۇيىمنىڭ تاعى ءبىر وكىلىن (ادەپت) ق ر اۋماعىندا تاراتۋعا جانە اكەلۋگە تىيىم سالىنعان ەكسترەميستىك ادەبيەتتەردى زاڭسىز ساقتاعانى ءۇشىن 70 ا ە ك (170 مىڭ تەڭگەدەن استام) كولەمىندە ايىپپۇل تۇرىندە اكىمشىلىك جاۋاپكەرشىلىككە تارتتى»، - دەلىنگەن ۆەدومستۆونىڭ باسپا ءسوز حابارلاماسىندا.

پولتسيا دەپارتامەنتىندە اتاپ وتىلگەندەي، نۇر- سۇلتان جانە الماتى قالالارىنىڭ سوتىمەن «اللا- ايات» دەپ اتالاتىن ف. م. ابدۋللايەۆتىڭ (فارحات- اتا) قىزمەتى قازاقستان حالقىنىڭ دەنساۋلىعىنا جانە مەملەكەتتىڭ قاۋىپسىزدىگىنە نۇقسان كەلتىرەدى دەپ تانىلدى. بۇل ۇيىمنىڭ قىزمەتىنە رەسپۋبليكا اۋماعىندا تىيىم سالىنادى.

اۆتور: قاسقىرباي قويشىمانوۆ