جامبىل وبلىسىندا نەمىس كومپانياسى التىن وندىرەتىن كاسىپورىن سالماق

None
None
تاراز. قازاقپارات - جامبىل وبلىستىق اكىمدىگى گەرمانيالىق بيزنەس وكىلدەرىمەن قورداي اۋدانىندا ءىرى تاۋ- كەن مەتاللۋرگيا كومبيناتىن سالۋ جوباسىن تالقىلادى، دەپ حابارلايدى قازاقپارات ءتىلشىسى.

ەسكە سالا كەتەيىك، جوبانىڭ يدەياسى 2012 -جىلى ەلباسى نۇرسۇلتان نازاربايەۆ گەرمانياعا بارعان ساپارىندا نەمىس ينۆەستورلارىن قازاقستانداعى جوبالارعا قاتىسۋعا شاقىرعان كەزدە تۋعان بولاتىن. 2016 -جىلى تارازدا وتكەن  «Taraz Invest - AgroChemical Day» ينۆەستيتسيالىق فورۋمىندا جامبىل وبلىسى اكىمدىگى گەرمانيانىڭ «Aurum Deutschland AG» تاۋ- كەن ءوندىرۋ كومپانياسى اراسىندا تاۋ- كەن مەتاللۋرگيا كومبيناتىن سالۋ تۋرالى مەموراندۋمعا قول قويىلعان.

كومبيناتتىڭ قۇرىلىسىن 2019 -جىلى باستاۋ جوسپارلانعان. ءوندىرىس پروتسەسىندە كومپانيا گەرمانيانىڭ التىن ءوندىرۋدىڭ سونى تەحنولوگياسىن سىناقتان وتكىزۋدى ويلاستىرعان.

وبلىس اكىمى اسقار مىرزاحمەتوۆپەن وتكەن كەزدەسۋدە «Aurum Deutschland» ج ش س باس ديرەكتورى يۋريي فادەيەۆ بيىل قورداي اۋدانىنداعى شوقپار جانە گاگارين كەن ورىندارىندا التىن ءوندىرۋ كاسىپورنىن سالۋ جۇمىستارى باستالۋى ءتيىس ەكەندىگىن اتاپ كورسەتتى.

بولاشاق كومبيناتقا 160 گەكتار جەر بەرىلەدى. التىن كەنىندەگى زاۋىتتىڭ جوسپارداعى قۋاتى جىلىنا  5100 توننا التىن. قورداي اۋدانىندا قۇرىلىس كەزىندە كەم دەگەندە 5 مىڭ، ال زاۋىتتى پايدالانۋ كەزىندە مىڭ جاڭا جۇمىس ورنى اشىلادى.

اۆتور: گالينا سكريپنيك

سوڭعى جاڭالىقتار