+7 (701) 759 90 19
3 °С : نۇر-سۇلتان
5 °С : الماتى
USD 389.86 EUR 435.32
RUB 6.12 CNY 55.12
جاڭالىقتار

ايەلدى مۇيىزىنە ءىلىپ لاقتىرعان: الماتى وبلىسىنىڭ پوليسەيلەرى سيىردى اتىپ تاستادى

20 ءساۋىر 00:09
:ءبولىسۋ
ايەلدى مۇيىزىنە ءىلىپ لاقتىرعان: الماتى وبلىسىنىڭ پوليسەيلەرى سيىردى اتىپ تاستادى

تالدىقورعان. قازاقپارات - الماتى وبلىسىنىڭ ءتارتىپ ساقشىلارى ءىرى قارا مالدى اتىپ تاستاۋعا ءماجبۇر بولدى، دەپ حابارلايدى قازاقپارات ءتىلشىسى.

وقيعا 18 -ءساۋىر كۇنى جامبىل اۋدانىنىڭ قاينازار اۋىلىندا بولعان. بورداقىلانعان سيىر قاشىپ كەتىپ، اينالاسىنداعى ادامداردىڭ ءومىرى مەن دەنساۋلىعىنا قاۋىپ توندىرگەن. الدىنان كەزدەسكەن ايەلدى مۇيىزىنە ءىلىپ الىپ، بويىنان اسىرا لاقتىرىپ جىبەرگەن. بۇعان پوليتسيا قىزمەتكەرلەرى كۋا بولعان.

ءتارتىپ ساقشىلارى زارداپ شەگۋشىنى جاقىن ماڭداعى مەديتسينالىق پۋنكتكە جەتكىزىپ، جانۋاردى وقشاۋلاۋ شارالارىن قابىلداعان.

«جانۋاردى سويۋ ماقساتىندا سەمىرتكەنى انىقتالدى. سيىردى سويۋعا اكەلگەندە، ول قاشىپ كەتىپ، اينالاسىنداعى ادامداردى قۋالاعان. كوشەدە اۋىل تۇرعىندارى جۇرگەن، اراسىندا بالالار دا بولدى. بوساپ كەتكەن سيىر جولىنداعى ەكى كولىكتى ءبۇلدىرىپ، شىعىن كەلتىرگەن. پوليسەيلەر جانۋاردى ادام اراسىنان اۋلاق الىپ شىعۋدىڭ امالىن تاۋىپ، مال يەسىنىڭ رۇقساتىمەن ونى اتىپ تاستادى» ، - دەپ مالىمدەدى الماتى وبلىستىق پوليتسيا دەپارتامەنتىنىڭ باسپا ءسوز قىزمەتىنەن.

زارداپ شەككەن ايەل ادام جەڭىل دەنە جاراقاتىن الىپ، اۋرۋحانادان شىقتى. ءتارتىپ ساقشىلارى مال يەسىنەن وقيعاعا قاتىستى تۇسىنىكتەمە الىپ، بۇدان ءارى مال سويۋدىڭ ارنايى ورىندارىن پايدالانۋ قاجەتتىگى تۋرالى ەسكەرتتى.

«وقيعا ورنىنا كەلگەن اۋداندىق مال دارىگەرلەرى جانۋاردى قۇتىرۋ اۋرۋىنا تەكسەرىپ، قانداي دا ءبىر اۋرۋدىڭ بەلگىلەرىن تاپپادى» ، - دەپ اتاپ ءوتتى ۆەدومستۆو وكىلدەرى.


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات