قالامقاستاعى اپات: قىتايلىق كومپانيانىڭ ليسەنزياسى ۋاقىتشا توقتاتىلدى

نۇر- سۇلتان. قازاقپارات - «قالامقاس» كەن ورنىندا بۇرعىلاۋ كەزىندە ورىن العان اپاتقا بايلانىستى قىتايلىق «شي بۋ «ينجەنەرلىك بۇرعىلاۋ كومپانياسى» ج ش س- عا ايىپپۇل سالىنىپ، ليسەنزياسى ۋاقىتشا توقتاتىلدى.

 بۇل تۋرالى ەنەرگەتيكا مينيسترلىگىنىڭ باسپا ءسوز قىزمەتىنەن ءمالىم ەتتى، دەپ حابارلايدى قازاقپارات ءتىلشىسى.

 «2018 -جىلدىڭ 3 - ناۋرىزى كۇنى ساعات 17:30 دا ماڭعىستاۋ وبلىسىنداعى «قالامقاس» مۇناي- گاز كەن ورنىندا «شي بۋ «يبك» (اقتاۋ) ج ش س- نىڭ №8237 ۇڭعىمانى بۇرعىلاۋى كەزىندە اپات ورىن العان بولاتىن. وسى فاكتى بويىنشا ەنەرگەتيكا مينيسترلىگىنىڭ مۇناي- گاز كەشەنىندەگى مەملەكەتتىك ينسپەكتسياسىنىڭ باتىس ءوڭىرارالىق باسقارماسى 2019 -جىلدىڭ 8-19 -ءساۋىرى ارالىعىندا سەرىكتەستىككە جوسپاردان تىس تەكسەرۋ جۇرگىزدى» ، - دەلىنگەن حابارلامادا.

 مينيسترلىكتەن ءمالىم ەتكەندەي، «شي بۋ «يبك» ج ش س قىتايلىق كومپانياسى مۇناي جانە تابيعي گاز ءوندىرۋ كەزىندە تەحنيكالىق قولداۋ كورسەتۋمەن اينالىسادى.

تەكسەرۋ ناتيجەلەرى بويىنشا سەرىكتەستىكتىڭ ءبىرشاما تالاپتاردى ورىنداماعانى انىقتالعان. اتاپ ايتقاندا، كومىرسۋتەك سالاسىنداعى قىزمەتتى جۇزەگە اسىرۋ ءۇشىن قويىلاتىن بىلىكتىلىك تالاپتارى مەن ولارعا سايكەستىكتى راستايتىن قۇجاتتار تىزبەسىنە سايكەسسىزدىگى، تەحنولوگيالىق رەگلامەنتتەردىڭ سايكەسسىزدىگى، مەنشىك قۇقىعىندا نەمەسە وزگە دە زاڭدى نەگىزدە كەيبىر جابدىقتار مەن اسپاپتاردىڭ بولۋىن راستايتىن قۇجاتتاردىڭ بولماۋى، ارنايى قىزمەتتەر قۇرۋ نەمەسە جاۋاپتى تۇلعالاردى تاعايىنداۋ تۋرالى بۇيرىقتاردىڭ بولماۋى، سونداي- اق زاڭدى جانە «رۇقساتتار جانە حابارلامالار تۋرالى» زاڭ تالاپتارىنىڭ ورىندالماۋى بەلگىلى بولعان.

«اكىمشىلىك ءىستى قاراۋ ناتيجەلەرى بويىنشا 150 ا ە ك مولشەرىندە اكىمشىلىك ايىپپۇل سالىندى. سونداي- اق، «يبك» سيبۋ» ج ش س- ءنىڭ كومىرسۋتەكتەر سالاسىنداعى قىزمەت تۇرلەرىنە مەملەكەتتىك ليسەنزيانىڭ قولدانىلۋى بەلگىلەنگەن بۇزۋشىلىقتار جويىلعانعا دەيىن توقتاتىلدى» ، - دەلىنگەن حابارلامادا.

ايتا كەتەيىك، توتەنشە جاعداي 13 - ناۋرىز كۇنى ماڭعىستاۋ اۋدانىنداعى «ماڭعىستاۋمۇنايگاز» ا ق- نىڭ «قالامقاس» مۇناي- گاز كەن ورنىندا بولعان ەدى. «شي بۋ» ينجەنەرلىك بۇرعىلاۋ كومپانياسى» ج ش س №8237 ۇڭعىماسىن بۇرعىلاۋ بارىسىندا گاز- سۋ قوسپاسى اتقىلادى.

ال 25 - ناۋرىز كۇنى ساعات 07:10 دا ماڭعىستاۋ وبلىستىق ت ج د كەزەكشى- ديسپەتچەرلىك قىزمەتىنە «قالامقاس» كەن ورنىنداعى ۇڭعىمادان شىققان گاز جانىپ، بيىكتى 10 مەترگە دەيىن جالىن اتقىلاپ تۇرعاندىعى حابارلاندى.

 ءوز كەزەگىندە ق ر پرەزيدەنتى قاسىم- جومارت توقايەۆ كەن ورنىنداعى جاعدايدى ءوز باقىلاۋىنا الىپ، ۇكىمەتكە ءتيىستى تاپسىرمالار جۇكتەگەن بولاتىن.

ءورتتىڭ وشاعى 25 - ناۋرىز كۇنى ءسوندىرىلدى.