+7 (701) 759 90 19 Лента
18 °С : استانا
23 °С : الماتى
USD 378.93 EUR 423.00
RUB 5.87 CNY 54.82
جاڭالىقتار

پاۆلودارلىقتار قوقىس جيناپ ءجۇرىپ، مارافون جۇگىرمەك

19 ءساۋىر 16:49 315
:ءبولىسۋ
پاۆلودارلىقتار قوقىس جيناپ ءجۇرىپ، مارافون جۇگىرمەك

پاۆلودار. قازاقپارات - پاۆلوداردا «جاسىل ەل» جاساقتارى تاڭعاجايىپ ەكولوگيالىق مارافون - «JASYL CROSS - 2019» پلوگگينگىن ۇيىمداستىرىپ جاتىر، دەپ حابارلايدى قازاقپارات ءتىلشىسى.

«ەكولوگيالىق مارافوننىڭ نەگىزگى ماقساتى سالاۋاتتى ءومىر سالتىن ناسيحاتتاۋ، ەكولوگيالىق مادەنيەتتى قالىپتاستىرۋ، قالا تۇرعىندارىن سپورت جانە دەنەشىنىقتىرۋمەن اينالىسۋعا شاقىرۋ، جالپى پاۆلودارداعى ەكولوگيالىق جاعدايدى جاقسارتۋ» ، - دەيدى «جاسىل ەل» ەڭبەك جاساقتارى وبلىستىق فيليالىنىڭ مۇشەلەرى.

ۇيىمداستىرۋشىلاردىڭ ايتۋىنشا، «JASYL CROSS - 2019» پلوگگينگى ەكولوگيالىق مارافونى 20 - ءساۋىر كۇنى ۋسولكا شاعىن اۋدانىندا وتەدى. وعان اۆتوموبيل كوپىرىندە 10:15 تە ستارت بەرىلەدى.

«بيىلعى مارافوندى ۇيىمداستىرۋعا كوپتەگەن پاۆلودارلىق كومپانيالار جانە پاۆلودار وبلىستىق جاستار باستامالارىن دامىتۋ ورتالىعى قولعابىس ەتىپ وتىر» ، - دەيدى «جاسىل ەل» فيليالىنىڭ جەتەكشىسى رومان كراسنوشەكوۆ.

مارافون اياسىندا مادەني، ويىن- ساۋىق ءىس- شارالارى دا وتكىزىلەدى.

 «بيىلعى مارافونعا 200 دەن استام ادام قاتىسادى» ، - دەيدى رومان كراسنوشەكوۆ.

پلوگگينگ - سالاۋاتتى ءومىر سالتىن ساقتاۋ مەن ەكولوگيانى قورعاۋدىڭ بۋدانى دەۋگە بولادى. «پلوگگينگ» ءسوزى جۇگىرۋ كەزىندە قوقىس جيناۋدى بىلدىرەدى. فيتنەس جاتتىقتىرۋشىلاردىڭ پىكىرىنشە، وسىنداي تاڭعاجايىپ مارافون كەزىندە 30 مينۋتتا 288 كيلوكالورياعا دەيىن ەنەرگيا جۇمساۋعا بولادى.

«2018 -جىلى پاۆلوداردا العاش رەت تولىق مارافون ءوتتى. وعان قالانىڭ 150 تۇرعىنى قاتىستى. 30 مينۋتتا ۋسولكا وزەنىنىڭ جاعاسىنان 300 قاپ - 2 تونناداي قوقىس جينالدى» ، - دەيدى ۇيىمداستىرۋشىلار.

«JASYL CROSS - 2018» پلوگگينگ مارافونى ت م د ەلدەرىندەگى حالىقارالىق جاستار فورۋمىنىڭ قورىتىندىلارى بويىنشا، تمد- داعى ۇزدىك جاستار ءىس- شارالارىنىڭ ۇشتىگىنە ءىلىندى» ، - دەيدى رومان كراسنوشەكوۆ.


باستى سوزدەر: ايماق,
:ءبولىسۋ

اأتور:

novasa

ونلاين قىزمەتكەرلەر
مۇراعات