+7 (701) 759 90 19
7 °С : نۇر-سۇلتان
15 °С : الماتى
USD 389.59 EUR 429.06
RUB 6.05 CNY 55.07
جاڭالىقتار

التىن قوردا ساقتالعان ءان-كۇيلەر مەن ەرتەگىلەر ارنايى جيناق بوپ جارىق كوردى

19 ءساۋىر 14:53
:ءبولىسۋ
التىن قوردا ساقتالعان ءان-كۇيلەر مەن ەرتەگىلەر ارنايى جيناق بوپ جارىق كوردى

نۇر-سۇلتان. قازاقپارات - ەلوردادا Qazaq راديوسىنىڭ التىن قورىنداعى ۇزدىك ەرتەگىلەر، باتىرلار جىرى، اندەر مەن كۇيلەر، ايتىس پەن ناقىل سوزدەر ەنگەن «دالا فولكلورىنىڭ انتولوگياسى» تانىستىرىلدى، دەپ حابارلايدى قازاقپارات ءتىلشىسى.

اتالعان جيناق ق ر تۇڭعىش پرەزيدەنتى - ەلباسى نۇرسۇلتان نازاربايەۆتىڭ «ۇلى دالانىڭ جەتى قىرى» ماقالاسى اياسىندا ق ر اقپارات جانە قوعامدىق دامۋ مينيسترلىگىنىڭ باستاماسىمەن جۇزەگە اسىرىلدى.

«بۇل انتولوگيا ءبىز ءۇشىن دە، كەلەشەك ۇرپاق ءۇشىن دە وتە قۇندى جادىگەرگە اينالاتىنى بەلگىلى. 100 جىلعا جۋىق تاريحى بار قازاق راديوسىنىڭ التىن قورىندا ساقتالعان رۋحاني مۇرامىزدى جارىققا شىعارۋدى ماڭىزدى ءارى ەلەۋلى وقيعا دەپ ويلايمىن. ەڭ الدىمەن، بۇل جوبا ارقىلى بالالاردىڭ ساناسىنا بابالارىمىزدىڭ باي مۇراسىن سىڭىرەمىز. ۇلى ۇلتىمىزدىڭ فولكلورىن ءبىلىپ وسكەن ۇرپاق ەشقاشان ۇتىلمايدى. ويتكەنى، ءبىزدىڭ ەرتەگىلەرىمىز بەن باتىرلار جىرىندا ۇلتتىڭ مۇراتى، بابالار اماناتى، دالانىڭ كەڭدىگى، قازاقتىڭ دارحان دا جاۋىنگەر بولمىسى بەينەلەنگەن»، - دەدى ق ر اقپارات جانە قوعامدىق دامۋ ءمينيسترى داۋرەن ابايەۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

جيناقتىڭ تاعى ءبىر ەرەكشەلىگى - كىتاپ ىشىندەگى ارنايى ديسكىلەرگە جازىلعان اندەر العاشقى ورىنداۋشىلاردىڭ ۇنىمەن ءتۇپنۇسقا قالپىندا ەنىپ وتىر.

«جيناقتا ⅩⅨعاسىرداعى حالىق كومپوزيتورلارىنان ءان ۇيرەنىپ، ولاردىڭ ءبىزدىڭ زامانىمىزعا دەيىن ۇزىلمەي جەتۋىنە ۇلەس قوسقان بارلىق ونەرپاز قامتىلدى. اتاپ ايتقاندا، امىرە قاشاۋبايەۆتىڭ «بالقاديشاسى»، «دۋدارايى»، «جالعىز ارشاسى» مەن «بەسقاراگەرى» بار. كەنەن ازىربايەۆتىڭ «كوك شولاعىن»، «بوزتورعايىن»، «بۇلبۇلعا» جانە «دومبىراسىن» تىڭداۋعا بولادى. ماناربەك ەرجانوۆ، قالي بايجانوۆ، بايعابىل جىلقىبايەۆ سىندى داۋىلپاز جىرشىلاردىڭ ءانى دە وسى جيناقتا ساقتالدى. كۇيگە كەلسەك، دينا نۇرپەيىسوۆا، جاپپاس قالامبايەۆ، ابىكەن حاسەنوۆ پەن ماعاۋيا ءحامزيننىڭ ورىنداۋىنداعى قۇندى شىعارمالار توپتاستىرىلعان»، - دەدى مينيستر.

«Qazaq radiolary» ج ش س ديرەكتورى قۇرمانبەك جۇماعاليدىڭ ايتۋىنشا، انتولوگيا «ەرتەگىلەر»، «باتىرلار جىرى»، «اندەر»، «كۇيلەر»، «ايتىس»، «سالت-ءداستۇر»، «اتادان قالعان اسىل ءسوز» سىندى 7 بولىمنەن تۇرادى.

«قازاق راديوسىندا 1959-جىلدان باستاپ، «ەردەن اتانىڭ ەرتەگىلەرى»، «زامزاگۇل اجەنىڭ ەرتەگىلەرى»، «ايدوس اتانىڭ ەرتەگىلەرى» جانە «ساۋىق اجەنىڭ ەرتەگىلەرى» اتاۋىمەن 350 دەن استام حابار دايىندالدى جانە ونىڭ بارلىعى جاڭا انتولوگياعا ەندى. باتىرلار جىرىنىڭ 50 نۇسقاسى 2015-جىلى قايتا ءۇن تاسپاعا جازىلعان ەكەن، سونىڭ 19 جىرى انتولوگياعا ەندى. كۇيلەردى شەرتپە كۇي، توكپە كۇي، قوبىز كۇيلەرى، سىبىزعى كۇيلەرى اتاۋىمەن توپتاستىرىپ، 160 كۇي ەنگىزدىك. جانە ايتىستىڭ 10 عا تارتا ەڭ ۇزدىك تۇرلەرىن ىرىكتەپ الدىق»، - دەدى ق. جۇماعالي.

«دالا فولكلورىنىڭ انتولوگياسى» مىڭ دانامەن شىعارىلىپ، جوو، ونەر مەكتەپتەرىنە جانە كىتاپحانالارعا تاراتىلادى جانە ارنايى سايت پەن ءموبيلدى قوسىمشادا قازاقستاندىقتار مەن شەتەلدىكتەرگە قولجەتىمدى بولادى.


:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات