قازاقستاندا تۋريستىك پوليتسيا قۇرىلدى
ەلىمىزدىڭ تۇڭعىش پرەزيدەنتى - ەلباسى نۇرسۇلتان ءابىش ۇلى نازاربايەۆ بەكىتكەن تۋريستىك سالانى دامىتۋ تۇجىرىمداماسى اياسىندا ءى ءى م باستاماسىمەن «ە-ۆيزا»، «ە- قوناق ءۇي» ەلەكتروندى بازاسىن قۇرۋ جونىندە ۇسىنىس جاسالدى.
بۇگىندە 117 ەلدىڭ ازاماتتارى ءۇشىن ەلەكتروندى تۇردە راسىمدەلەدى جانە مەملەكەتتىك شەكارادان وتكەن بويدا اۆتوماتتى تۇردە تىركەلەدى. «ە- قوناق ءۇي» مالىمەتتەر بازاسى شەتەلدىكتەردىڭ تۇراتىن جەرىنەن ەسەپ جۇرگىزۋگە مۇمكىندىك بەرەدى جانە تىركەلۋ ءۇشىن مىندەتتى تۇردە پوليتسياعا كەلۋدىڭ قاجەتتىگى بولمايدى.
ءوز كەزەگىندە، شەتەلدىكتەردى جانە ينۆەستورلاردى تارتۋ ءۇشىن جانە شەتەل ازاماتتارىنىڭ ەلىمىزگە كەلگەن كەزدەگى قاۋىپسىزدىگى مەن جايلىلىعىن جاڭا ءبولىنىس - تۋريستىك پوليتسيا قامتاماسىز ەتەتىن بولادى.
تۋريستىك پوليتسيانىڭ باستى مىندەتى - كەلگەن تۋريستەر مەن قوناقتارعا قىزىقتىرعان سۇراقتار بويىنشا كەڭەستەر، اقپاراتتار بەرۋ جانە ولاردىڭ قاۋىپسىزدىگىن قامتاماسىز ەتۋ.
ءبىرىنشى كەزەڭدە بۇل بولىنىستەر نۇر- سۇلتان، الماتى قالالارىندا، اقمولا، الماتى، تۇركىستان جانە شىعىس قازاقستان وبلىستارىندا قۇرىلدى.
تۋريستىك پوليتسيا قىزمەتكەرلەرى بەينەتىركەۋىشتەرمەن، پلانشەتتەرمەن، راتسيامەن جابدىقتالادى جانە ولار مەملەكەتتىك ءتىلدى، ورىس جانە اعىلشىن تىلدەرىن، ەلىمىزدىڭ تاريحىن ءبىلۋى ءتيىس، سونداي- اق تەز ءتىل تابىسا بىلەتىن جانە جەدەل ارەكەتكە ءاردايىم دايىن بولۋى كەرەك.
قاسىم-جومارت توقايەۆ ينۆەستيتسيالىق جايلى كليماتتى قالىپتاستىرۋدا شەتەلدىكتەردىڭ قاۋىپسىزدىگىن قامتاماسىز ەتۋدىڭ ماڭىزدى ەكەنىن اتاپ كورسەتە وتىرىپ، شەتەلدىك تۋريستەرمەن جۇمىس بارىسىندا جەكەلەگەن پوليتسيا بولىنىستەرىن مامانداندىرۋ بويىنشا قابىلدانىپ جاتقان شارالاردى ماقۇلدادى.