+7 (701) 759 90 19
-3 °С : نۇر-سۇلتان
-4 °С : الماتى
USD 384.97 EUR 427.12
RUB 6.04 CNY 54.75
جاڭالىقتار

التىن قوردا ساقتالعان مادەني مۇرالار ەلەكتروندى فورماتتا قولجەتىمدى بولماق

19 ءساۋىر 14:19
:ءبولىسۋ
التىن قوردا ساقتالعان مادەني مۇرالار ەلەكتروندى فورماتتا قولجەتىمدى بولماق

نۇر-سۇلتان. قازاقپارات - قازاق راديوسىنىڭ التىن قورىندا ساقتالعان ۇزدىك ەرتەگىلەر، باتىرلار جىرى، اندەر مەن كۇيلەر، ايتىس پەن ناقىل سوزدەر ارنايى ينتەرنەت- پورتالدا قولجەتىمدى بولادى، دەپ حابارلايدى قازاقپارات ءتىلشىسى.

بۇل پورتال قازاقستاندىقتارمەن بىرگە، شەتتەگى قانداستار ءۇشىن جانە شەتەلدىك زەرتتەۋشىلەر ءۇشىن پايدالى بولماق.

«ۇلتىمىزدىڭ مادەني مۇراسى التىن قوردا عانا ساقتالىپ جاتپاي، كەلەشەك ۇرپاق مۇددەسى ءۇشىن قىزمەت ەتۋى قاجەت. وسى ماقساتتا «التىن قور» دەپ اتالاتىن ارنايى سايت قۇرىلادى. سول ينتەرنەت-پورتال ارقىلى ەلىمىزدە عانا ەمەس، وزگە مەملەكەتتەردى مەكەندەپ جاتقان قالىڭ قانداستارىمىز دا، قازاق فولكلورىن زەرتتەپ جۇرگەن شەتەلدىك ماماندار دا وزىنە قاجەتتى مالىمەتتى الا الادى»، - دەدى ق ر اقپارات جانە قوعامدىق دامۋ ءمينيسترى داۋرەن ابايەۆ ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

ءمينيستردىڭ ايتۋىنشا، پورتالدا كيريليتسامەن قاتار لاتىن ءالىپبيى دە قامتىلادى جانە الەم حالقىنا قولجەتىمدى بولۋى ءۇشىن التىن قور سايتىنىڭ اعىلشىن تىلىندەگى نۇسقاسى ازىرلەنەدى.

«قازاق راديوسىنىڭ التىن قورى ءۇشىن سايت پەن قوسىمشا موبيلدىك نۇسقا دا جاسالادى. ياعني، ءاربىر قازاقستاندىق كەشكە بالاسىنا ءموبيلدى نۇسقادان ەرتەگى قوسىپ بەرە الادى»، - دەيدى «Qazaq radiolary» ج ش س ديرەكتورى قۇرمانبەك جۇماعالي.

ايتا كەتەيىك، ەلوردادا Qazaq راديوسىنىڭ التىن قورىنداعى ۇزدىك ەرتەگىلەر، باتىرلار جىرى، اندەر مەن كۇيلەر، ايتىس پەن ناقىل سوزدەر ەنگەن «دالا فولكلورىنىڭ انتولوگياسى» تانىستىرىلدى.

جيناقتاعى اندەر العاشقى ورىنداۋشىلاردىڭ ۇنىمەن ءتۇپنۇسقا قالپىندا ەنىپ وتىر. اتاپ ايتقاندا، امىرە قاشاۋبايەۆتىڭ «بالقاديشاسى»، «دۋدارايى»، «جالعىز ارشاسى» مەن «بەسقاراگەرى»، كەنەن ازىربايەۆتىڭ «كوك شولاعىن»، «بوزتورعايىن»، «بۇلبۇلعا» جانە «دومبىراسىن» تىڭداۋعا بولادى


:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات