+7 (701) 759 90 19
7 °С : نۇر-سۇلتان
15 °С : الماتى
USD 389.59 EUR 429.06
RUB 6.05 CNY 55.07
جاڭالىقتار

ءبىرقاتار شەت مەملەكەتتەردىڭ جاس عالىمدارى ەلوردادا باس قوستى

19 ءساۋىر 13:46
:ءبولىسۋ
ءبىرقاتار شەت مەملەكەتتەردىڭ جاس عالىمدارى ەلوردادا باس قوستى

استانا. قازاقپارات - ەلوردادا «ۇلى دالا جاستارى: تاريحي ميسسيا جانە بولاشاعى ءبىرتۇتاس ۇلت قالىپتاستىرۋ» اتتى جاس عالىمداردىڭ حالىقارالىق عىلىمي كونفەرەنتسياسى ۇيىمداستىرىلدى، دەپ حابارلايدى قازاقپارات ءتىلشىسى.

«جالپى، ماعىناسىنا، تاقىرىبىنا بايلانىستى ماڭىزدى كونفەرەنتسيا حالىقارالىق دەڭگەيدە ۇيىمداستىرىلعانى ءۇشىن العىس ايتقىم كەلەدى. بارلىقتارىڭىز بىلەسىزدەر، ەلباسى نۇرسۇلتان نازاربايەۆ 2019-جىلدى جاستار جىلى دەپ جاريالاعان بولاتىن. سوندىقتان وسى جىل قازاقستان جاستارى ءۇشىن وتە سەرپىندى ءارى ماعىنالى جانە ناتيجەلى بولۋىنا تەك ۇكىمەت نەمەسە پارلامەنت قانا ەمەس، سونىمەن بىرگە جالپى قوعام، جاستاردىڭ دا بەلسەندى اتسالىسۋى ماڭىزدى. وسى ورايدا ەلىمىزدىڭ ارى قاراي دامۋىنا بۇل باعىتتاعى قادامدار بيىل تىڭ سەرپىن بەرەدى دەگەن ويدامىز»، - دەدى پارلامەنت ءماجىلىسىنىڭ دەپۋتاتى باقتيار ماكەن.

دەپۋتاتتىڭ سوزىنشە، جاس عالىمداردىڭ ءتيىستى جابدىقتاردى جانە باسقا دا قاجەتتىلىكتەردى ساتىپ الۋعا قارجىنىڭ جەتىسپەيتىنى تۋرالى شاعىمدار ايتىلعان ەدى. بۇگىندە جاستار عىلىمىنا جوعارى ەكپىن قويىلۋى كەرەك. سوندىقتان جاس عالىمداردىڭ عىلىمي قىزمەتىن قارجىلاندىرۋ ماسەلەسى جاستار جىلىنىڭ اشىلۋىنا نەگىزگى سەبەپتەردىڭ ءبىرى بولدى.

«جاستار جىلىنىڭ اشىلۋىندا ەلباسى بولىنگەن قارجىنىڭ تياناقتى يگەرىلۋىن تاپسىرعان بولاتىن. سونىڭ ىشىندەگى باستىسى - ول جاستاردىڭ عىلىمعا بەتبۇرىسى. وسى ورايدا جاس ۇرپاقتىڭ عىلىمعا ىزدەنىسىن ىنتالاندىرۋ مىندەتى تۇر. بۇل تۇرعىدا جاس عالىم جوباسى اياسىندا 3 ملرد تەڭگە بولىنەدى. جالپى، بۇگىندە عىلىممەن اينالىساتىن جاستاردىڭ ىزدەنىسى بار جانە وسى باعىتتا ساپاعا نازار اۋدارعان ءجون»، - دەدى دەپۋتات.

ايتا كەتەيىك، كونفەرەنسيادا قازاقستاندا جاستار ساياساتىن جۇزەگە اسىرۋ شارالارىمەن بايلانىستى اۋقىمدى تاقىرىپتار تالقىلانباق. سونىمەن قاتار وتاندىق تاريح عىلىمىنىڭ وزەكتى ماسەلەلەرىنە ەرەكشە كوڭىل ءبولىندى. وسى ورايدا قازاقستان مەن شەتەلدىك عالىمداردىڭ قوعامدىق سانانى جاڭعىرتۋداعى تاريح عىلىمىنىڭ رولىمەن ميسسياسى، زياتكەرلىك ۇلت قالىپتاستىرۋ ماسەلەسىنە قاتىستى تولىمدى پىكىر الماسۋ وتەدى.

حالىقارالىق كونفەرەنتسيانى قر تۇڭعىش پرەزيدەنتى- ەلباسىنىڭ قورى ق ر ب ع م عىلىم كوميتەتى مەملەكەت تاريحى ينستيتۋتىمەن بىرلەسىپ وتكىزۋدە. شاراعا كورشىلەس جانە الىس شەتەلدەن عالىمدار دا كەلدى. ولار ءوز ەلدەرىندە جاستاردىڭ عىلىممەن ايلانىسۋىن ىنتالاندىرۋ باعىتىندا تاجىريبەلەرىمەن ءبولىسىپ جاتىر.


:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات