دەمالىسقا ارنالعان اۋا رايى: سولتۇستىكتە - قار، وڭتۇستىكتە - جاۋىن-شاشىن
قازاقستاننىڭ وڭتۇستىگىندە كوكتەم ءوز كۇشىنە ەندى، ال رەسپۋبليكانىڭ سولتۇستىگىندە كەرىسىنشە، كۇن سۋىتىپ كەتتى. مۇندا الداعى دەمالىس كۇندەرى بۇلتتى اۋا رايى ساقتالادى.
جىلبىسقى قار جاۋىپ، تۇنگى اۋا تەمپەراتۋراسى مينۋس 10°گرادۋس ساقتالادى، بۇل - كليماتتىق نورمادان 3...5° گرادۋس تومەن. مۇنداي اۋا رايى كارسك تەڭىزىنە بارەنتس ارقىلى بىرىنەن كەيىن ءبىرى جىلجيتىن بەلسەندى تسيكلونمەن بايلانىستى. ال وسى تسيكلوننىڭ جۇيەسىنە ەنەتىن اركتيكالىق فرونتتار قازاقستاننىڭ سولتۇستىگىندەگى اۋا رايىنا ىقپالىن تيگىزەتىن بولادى.
رەسپۋبليكانىڭ وڭتۇستىك وبلىستارى بۇرىنعىداي وڭتۇستىك فرونتالدىق بولىكتەردىڭ جانە ونىمەن بايلانىستى اتموسفەرالىق فرونتتاردىڭ ىقپالىندا بولادى. سوندىقتان، دەمالىس كۇندەرى جاڭبىر، كەي جەرلەردە نوسەر جاڭبىر جاۋادى. نايزاعاي جارقىلداپ، كەي جەرلەردە بۇرشاق جاۋۋى مۇمكىن. ءبىراق مۇندا كۇن جىلى، كۇندىز اۋا تەمپەراتۋراسى پليۋس 15...22° گرادۋسقا دەيىن جىلىنادى، ال بۇل ورتاشا كوپجىلدىق مانگە جاقىن.