+7 (701) 759 90 19 Лента
12 °С : استانا
16 °С : الماتى
USD 378.01 EUR 420.88
RUB 5.84 CNY 54.64
جاڭالىقتار

ەلوردالىق ارۋلار بويداقتاردىڭ باسىن اينالدىراتىن جاڭا ءتاسىل ويلاپ تاپقان

19 ءساۋىر 13:15 427
:ءبولىسۋ
ەلوردالىق ارۋلار بويداقتاردىڭ باسىن اينالدىراتىن جاڭا ءتاسىل ويلاپ تاپقان

 نۇر-سۇلتان. قازاقپارات - ەلوردالىق ارۋلار جىگىتتەردى وزىنە قاراتۋدىڭ جاڭا ءتاسىلىن ويلاپ تاپتى.

ايلاكەر قىزدار باسى بوس ەرلەردىڭ جۇرەگىن جاۋلاۋ ءۇشىن، ارنايى فوتوسەسسيا ۇيىمداستىرىپ، جەلىگە تەك ساپالى سۋرەتتەرىن جۇكتەيتىن بولعان دەپ جازادى KAZ. NUR. KZ.

ايلاكەر قىزداردىڭ اككى ارەكەتىن باس شاھاردىڭ تاجىريبەلى فوتوگرافتارىنىڭ ءبىرى ايتىپ بەردى. ماماننىڭ سوزىنشە، مۇنداي ادىسكە اسىرەسە كەيىنگى بۋىن وكىلدەرى ءجيى بارادى ەكەن.

«قازىر جاستار جەلىگە تەك ساپالى سۋرەت جۇكتەسەم دەيدى. ول ءۇشىن ارنايى فوتوسەسسيا دا ازىرلەپ جاتادى. تاياۋدا ماعان ءبىر بويجەتكەن حابارلاستى. جاڭا جىگىتپەن تانىستىم، سول ءۇشىن فوتوسەسسيا ۇيىمداستىرساق» دەگەن ۇسىنىس ايتتى.

«فوتوسەسسيا ۇيىمداستىرايىق، ال جىگىتتىڭ قاتىسى نە؟» دەپ سۇراعانىمدا، «الەۋمەتتىك جەلى ارقىلى تانىستىق، ول مەنىڭ تەك ادەمى سۋرەتتەرىمدى كورۋى كەرەك» دەپ ءتۇسىندىردى. كليەنتتىڭ تالابىن ورىنداۋ مىندەتىمىز، ەش قارسى كەلە المادىم. جالپى فوتوسەسسياعا قازىرگى بۋىن وكىلدەرى ءجيى تاپسىرىس بەرەدى. اراسىندا وتباسىلىق تۇسىرىلىمدەرىمىز دە بار»، - دەيدى فوتوگراف.

ماماننىڭ ايتۋىنشا، مۇنداي فوتوسەسسيالاردىڭ باعاسى دا اركەلكى بولادى ەكەن.

«باعاسى ءارقيلى. ءبىر ساعاتتىق ءتۇسىرىلىمنىڭ باعاسى 50 مىڭ تەڭگەدەن باستالادى. ول ارنايى ستۋدياداعى تۇسىرىلىمدەردەگى فوتوسەسسيالارعا قاتىستى بولادى. ال سىرتتا تۇسەتىن فوتوسەسسيالاردىڭ باعاسى ءسال ارزانداۋ، 30 مىڭ تەڭگە ماڭايىندا بولادى»، - دەدى مامان.


باستى سوزدەر: قوعام,
:ءبولىسۋ

اأتور:

novasa

ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
مۇراعات