11:29, 19 - ءساۋىر 2019 | GMT +6
داريعا نازاربايەۆا رەسەيدە قىرعىز سەناتىنىڭ سپيكەرىمەن كەزدەستى
نۇر-سۇلتان. قازاقپارات - 18-ساۋىردە قىرعىز پارلامەنتىنىڭ سپيكەرى داستانبەك جۋمابەكوۆ پەن قازاقستان پارلامەنتى سەناتىنىڭ ءتوراعاسى داريعا نازاربايەۆا سانكت-پەتەربۋرگتە ءوتىپ جاتقان ت م د پارلامەنتارالىق اسسامبلەياسىنىڭ جيىنى اياسىندا كەزدەستى.
جوگوركۋ كەڭەش باسپا ءسوز قىزمەتىنىڭ حابارلاۋىنشا، جۋمابەكوۆ «ءوزارا سەرىكتەستىك، ءوزارا پايدا مەن قولداۋ قاعيدالارىنا نەگىزدەلگەن بارلىق باعىت بويىنشا قىرعىزستان قازاقستانمەن قارىم-قاتىناسىن دامىتۋعا ەرەكشە مۇددەلى ەكەنىن» ايتقان.
جۋمابەكوۆتىڭ سوزىنشە، بىشكەك پەن نۇر-سۇلتان اراسىندا «ساياسي-ەكونوميكالىق ديالوگ بار». ول «قىرعىزستان سەناتى - باۋىرلاس ەلدەر قاتىناسىن تاتۋ كورشى رەتىندە نىعايتۋدىڭ بىردەن-ءبىر قولداۋشىسى» دەگەن.
بىشكەك تاراتقان حابارلامادا «قازاقستان پارلامەنتى سەناتىنىڭ ءتوراعاسى داريعا نازاربايەۆا ەكى ەل اراسىنداعى پارلامەنتارالىق قاتىناستى دامىتۋ قاجەتتىگى جايلى ايتتى» دەپ جازىلعان.
قازاقستان سەناتىنىڭ سايتى نازاربايەۆانىڭ سانكت-پەتەربۋرگتەگى ت م د پارلامەنتارالىق اسسامبلەياسىنىڭ شارالارىنا قاتىسىپ جۇرگەنىن حابارلاعان.
«ازاتتىق»