قاسىم-جومارت توقايەۆ كورەيا پرەزيدەنتى مەن ماجارستاننىڭ پرەمەر-مينيسترىمەن كەزدەسەدى
بۇل تۋرالى اقوردانىڭ رەسمي سايتى حابارلايدى.
ءساۋىردىڭ 21-23- كۇندەرى قازاقستانعا كورەيا رەسپۋبليكاسىنىڭ پرەزيدەنتى مۋن چجە ين العاشقى مەملەكەتتىك ساپارىمەن كەلەدى.
قازاقستان پرەزيدەنتى قاسىم-جومارت توقايەۆ وڭتۇستىك كورەيا باسشىسىمەن كەلىسسوزدەر جۇرگىزۋ بارىسىندا ساياسي، ساۋدا-ەكونوميكالىق، ينۆەستيتسيالىق جانە مادەني-گۋمانيتارلىق سالالار بويىنشا ەكىجاقتى قارىم-قاتىناستاردىڭ قازىرگى احۋالى مەن پەرسپەكتيۆالارىن، سونداي-اق، ءبىرقاتار ايماقتىق جانە حالىقارالىق وزەكتى ماسەلەلەردى تالقىلايدى.
سونداي-اق، ءساۋىر ايىنىڭ 24- كۇنى اقوردادا مەملەكەت باسشىسى قاسىم-جومارت توقايەۆ قازاقستانعا رەسمي ساپارمەن كەلەتىن ماجارستاننىڭ پرەمەر-ءمينيسترى ۆيكتور وربانمەن كەلىسسوزدەر وتكىزەدى.
ەكى جاقتى كەزدەسۋدىڭ باعدارلاماسى بويىنشا قازاق-ماجار ىنتىماقتاستىعىنا جانە ايماقتىق، حالىقارالىق احۋالعا قاتىستى ءبىرقاتار وزەكتى ماسەلەلەر تالقىلانادى دەپ كۇتىلۋدە.