ەرەكشە شەبەرلىگىمەن تۋعان اۋىلىن سۇرىپ تاستاۋدان قۇتقارىپ قالعان قاريا ەلدى ءتانتى ەتتى
تايۆان تۇرعىنى بيلىك وكىلدەرى قيراتىپ تاستاعىسى كەلگەن مەكەندى شەبەرلىگى مەن تاپقىرلىعىنىڭ ارقاسىندا اسا كورنەكى جەرگە اينالدىرىپ جىبەرگەن. بۇگىندە ەرەكشە اۋىلدى كورگىسى كەلگەندەردىڭ سانى كۇن ساناپ ارتۋدا دەپ جازادى bigpicture.ru سايتىنا سىلتەمە جاساعان KAZ. NUR. KZ.
زەينەتكە شىققان اسكەري قىزمەتكەر حۋان يۋن-فۋ ءوزىنىڭ شەبەرلىگىنىڭ ارقاسىندا تۋعان اۋىلىن قۇتقارىپ قالدى.
وقيعا تايچجۋن قالاسىنىڭ ماڭىندا ورنالاسقان ەلدى مەكەندە ورىن العان. ول جەردەگى 1200 ءۇيدى بيلىك وكىلدەرى اسكەريلەرگە ۋاقىتشا بەرگەن.
ۋاقىت وتە كەلە تۇرعىنداردىڭ كوبىسى كوشىپ كەتىپ، قۇرىلىس كومپانيالارى جەرلەردى ساتىپ الۋعا كىرىسە باستايدى.
اۋىلدا بار-جوعى 11 ءۇي عانا قالعان. ولاردىڭ يەلەرى كوشۋگە تۇبەگەيلى قارسى بولعان. 37 جىل بويى مەكەن ەتكەن جەرىنەن كەتكىسى كەلمەگەندەر قاتارىندا حۋان يۋن-فۋ دا بار.
زەينەتكە شىققان ول بەينەلەۋ ونەرىمەن اينالىسا باستادى. اسكەري قىزمەتكەر بىرنەشە جىلدا ءوزىنىڭ ەرەكشە ونەرىن شىڭداي ءتۇسىپ، شەبەرلىگىن كورشىلەرىنە دە پاش ەتەدى.
حۋان يۋن-فۋدىڭ ارقاسىندا جەرمەن جەكسەن بولۋعا از قالعان اۋىل تايچجۋننىڭ اسا كورنەكى جەرىنە اينالىپ شىعا كەلدى.
جەرگىلىكتى بيلىك وكىلدەرى ەلدى مەكەنگە قاتىستى شەشىمىن قايتا قاراستىرۋعا ءماجبۇر بولدى.
ءتۇرلى تۇسكە بويالعان اۋىل تۋرالى ەستىگەن جۇرتشىلىق بۇل ەرەكشە جەردى ءوز كوزىمەن كورۋگە اسىعۋدا. انىقتالعانداي، ەلدى مەكەنگە ات باسىن بۇرۋشى تۋريستەر سانى كۇن سايىن كوبەيىپ جاتىر.
زەينەتكەر مۇنىمەن توقتاپ قالماي، ءتىپتى ءجۇز جاسىندا دا سۋرەت سالاتىنىن ايتادى.
ەڭ قىزىعى، 96 جاستاعى قاريا كۇندە تاڭعى ۇشتە تۇرىپ، اۋىلىن اسەمدەۋمەن اينالىسادى ەكەن.