+7 (701) 759 90 19
0 °С : نۇر-سۇلتان
14 °С : الماتى
USD 389.52 EUR 429.21
RUB 6.07 CNY 54.94
جاڭالىقتار

بۇگىندە وزبەكستاندا وتە ۇلكەن قازاق دياسپوراسى ءومىر ءسۇرىپ جاتىر - داۋرەن ابايەۆ

19 ءساۋىر 09:06
:ءبولىسۋ
بۇگىندە وزبەكستاندا وتە ۇلكەن قازاق دياسپوراسى ءومىر ءسۇرىپ جاتىر - داۋرەن ابايەۆ

نۇر- سۇلتان. قازاقپارات - ق ر اقپارات جانە قوعامدىق دامۋ ءمينيسترى داۋرەن ابايەۆ «حابار» ارناسىنداعى «اشىق ديالوگ» باعدارلاماسىندا پرەزيدەنت قاسىم- جومارت توقايەۆتىڭ وزبەكستانعا مەملەكەتتىك ساپارى جونىندە پىكىر ءبىلدىردى، دەپ حابارلايدى قازاقپارات ءتىلشىسى.

مينيستر وزبەكستان قازاقستاننىڭ ستراتەگيالىق سەرىكتەسى ءارى وداقتاسى ەكەنىن ايتا كەلە، ورتاق تاريح بىرىكتىرەتىن حالىقپەن تاتۋ كورشىلىكتىڭ ماڭىزدىلىعىن اتاپ ءوتتى.

«تاۋەلسىزدىك جىلدارى ءبىز ەكونوميكادان قاۋىپسىزدىك سالاسىنا دەيىن بارلىق باعىتتا تىعىز ءارى ءوزارا ءتيىمدى قارىم- قاتىناس ورناتتىق. ماسەلەن، وتكەن جىلى ەكى ەل اراسىنداعى تاۋار اينالىمى 50 پايىزعا ارتىپ، 3 ميلليارد دوللاردى قۇرادى. 2020 -جىلعا قاراي بۇل كورسەتكىش 5 ميلليارد دوللارعا جەتۋى ءتيىس. مۇنىڭ بارلىعىنا باقىلاۋ- وتكىزۋ بەكەتتەرىن جاڭعىرتۋ مەن كەدەندىك پروتسەدۋرالاردى وڭتايلاندىرۋدىڭ جانە جاڭا كولىكتىك دالىزدەردى قۇرۋدىڭ ارقاسىندا قول جەتكىزدىك»، - دەدى ول.

سونداي- اق ۆەدومستۆو باسشىسىنىڭ ايتۋىنشا، ەكى ەلدىڭ مادەني- گۋمانيتارلىق ىنتىماقتاستىعى ماسەلەلەرىنە ءداستۇرلى تۇردە باسا كوڭىل ءبولىنىپ وتىر.

«قاسىم- جومارت كەمەل ۇلىنىڭ ساپارى وزبەكستانداعى قازاقستان جىلىنىڭ اشىلۋىمەن تۇسپا- تۇس كەلدى. شاۆكات ميرزيەيەۆ اباي مۇراسىن كەڭىنەن وقۋ جانە ناسيحاتتاۋ تۋرالى قاۋلىعا قول قويدى. بۇگىندە وزبەكستاندا وتە ۇلكەن قازاق دياسپوراسى ءومىر ءسۇرىپ جاتىر. وزبەكستاندا قازاق مەكتەپتەرى جۇمىس ىستەيدى، جوعارى جانە ورتا وقۋ ورىندارىندا قازاق تىلىندە ماماندار دايىندالادى. جانە وزبەكستاننىڭ باس اقپارات اگەنتتىگىنىڭ قازاق تىلىندەگى نۇسقاسى بار. بۇل كوپ نارسەنى اڭعارتادى»، - دەدى داۋرەن ابايەۆ.

ونىڭ پىكىرىنشە، پرەزيدەنت ساپارى الداعى ۋاقىتتا ەكى ەلدىڭ دوستىعىن نىعايتا تۇسەدى.

«قازاقستان ءۇشىن كورشىسىنىڭ وركەندەۋى وتە ماڭىزدى. سەبەبى، بۇل ءبىزدىڭ دە وركەندەۋىمىزدىڭ كەپىلى»، - دەپ تۇيىندەدى ءسوزىن مينيستر.

اۆتور: ايجان سەرىكجان قىزى


باستى سوزدەر: بيلئك جانة ساياسات,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات