ۇكىمەت مۇشەلەرى وڭتۇستىكتەن سولتۇستىككە قونىس اۋدارعان تۇرعىندارمەن كەزدەستى
قازىر س ق و- دا «سەرپىن-2050» باعدارلاماسى اياسىندا 1,5 مىڭعا جۋىق جاس ءبىلىم الىپ جاتىر. ولارعا جاتاقحانا، ءبىلىم الۋ - تەگىن. بۇدان باسقا، شاكىرتاقى الادى. ەندىگى ماقسات - ولاردىڭ وسى وڭىردە تۇراقتاپ قالۋىنا جاعداي جاساۋ.
«باعدارلاما بويىنشا وقۋعا كەلگەنىمە ەش وكىنبەيمىن. قازىر وندىرىستىك تاجىريبەدەن ءوتىپ جاتىرمىن. بىزگە جان- جاقتى قولداۋ بار. وقۋدى اياقتاعان سوڭ وسى جاقتا قالىپ، ەڭبەك ەتۋىم مۇمكىن»، - دەيدى م. قوزىبايەۆ اتىنداعى سولتۇستىك قازاقستان مەملەكەتتىك ۋنيۆەرسيتەتىنىڭ ستۋدەنتى جۇماگۇل سەرىكوۆا.
ءمالىم بولعانداي، 2016-2018 -جىلدارى س ق و- عا 719 وتباسى كوشىپ كەلدى. بيىل تاعى 622 وتباسى كەلەتىنى جوسپارلانعان. ولاردىڭ 60-ى قىزىلجار وڭىرىنە قونىستانىپ ۇلگەردى. حالقى تىعىز ورنالاسقان وڭىرلەردەن جۇمىس كۇشى تاپشى وبلىستارعا قونىس اۋدارعان تۇرعىندارمەن ۇكىمەت مۇشەلەرى كەزدەسىپ، جاعدايلارىن ءبىلدى.
مارجان باليەۆا وسىدان 5 جىل بۇرىن جامبىل اۋدانىنا وڭتۇستىك قازاقستاننان وتباسىمەن قونىس اۋدارعان ەكەن. قازىر ەرلى- زايىپتى بيۋدجەتتىك سالادا ەڭبەك ەتەدى، تابىستارى جاقسى. قورالارىنداعى مالدىڭ سانى 180-گە جەتكەن. جاقىندا قۇرىلىس ماتەريالدارىن شىعاراتىن سەح اشۋدى جوسپارلاپ وتىر.
«باسىندا قينالدىق. بۇرىن كورمەگەن، بىلمەگەن جەرگە كەلدىك. قيىندىقتىڭ ءبارىن جەڭە بىلدىك. ءۇش بالام بار. جولداسىم ەكەۋىمىز دە ەڭبەك ەتەمىز. جاقىندا وڭتۇستىككە بارىپ، تاعى 13 ادامدى كوشىرىپ اكەلدىك. سولاردى جۇمىسپەن قامتىپ وتىرمىز. مال باسىن كوبەيتەمىز. جايىلىم جەتكىلىكتى، جۇمىس ىستەيمىن دەگەن ادامعا قولداۋ بار»، - دەيدى جامبىل اۋدانىنىڭ تۇرعىنى مارجان باليەۆا.
وبلىس اكىمىنىڭ ورىنباسارى اسقار ساقىپكەرەيەۆتىڭ ايتۋىنشا، وڭتۇستىكتەن كەلگەن اعايىن ءۇشىن وڭىردە جاڭا تۇرعىن ۇيلەر سالىنادى. قازىر مىڭنان اسا بوس جۇمىس ورنى بار.
«ەكى جىلدىڭ ىشىندە ءتۇرلى سەبەپتەرمەن سولتۇستىك وڭىرلەردەن 99 وتباسى كەرى كوشىپ كەتكەن. ولاردىڭ وبلىستا قالۋى ءۇشىن بارىنشا جاعداي جاساۋ قاجەت. كاسىبىن اشۋ ءۇشىن تەگىن گرانتتار، شاعىن نەسيەلەردى بەرۋدى قاراستىرۋ كەرەك. باسپانا ماسەلەسىن دە باقىلاۋدا ۇستاۋ كەرەك»، - دەدى ق ر ەڭبەك جانە حالىقتى الەۋمەتتىك قورعاۋ ءمينيسترى بەردىبەك ساپاربايەۆ.
اۆتور: اقەركە داۋرەنبەك قىزى