بۋرابايدا سەگىز ەلدىڭ ماماندارى شيپاجاي- كۋرورتتى ەمدەۋدى دامىتۋ تاجىريبەسىمەن ءبولىستى

None
None
كوكشەتاۋ. قازاقپارات - بۋراباي كۋرورتىندا IV- حالىقارالىق «شيپاجاي - 2019» عىلىمي- پراكتيكالىق فورۋمى ءوتىپ جاتىر، دەپ حابارلايدى قازاقپارات ءتىلشىسى.

شارا ق ر پرەزيدەنتى ءىس باسقارماسىنىڭ مەديتسينالىق ورتالىعىنىڭ ۇيىمداستىرۋىمەن ءتورتىنشى جىل قاتارىنان وتۋدە. فورۋمنىڭ اشىلۋىنا ايماق باسشىسى ەرمەك مارجىقپايەۆ قاتىسىپ ءسوز سويلەدى.

«بارشامىز ەلىمىزدى بارلىق جاعىنان دامىعان، گۇلدەنگەن مەملەكەت رەتىندە كورگىمىز كەلەدى. ونىڭ ىشىندە باستى ماسەلە ازاماتتاردىڭ دەنساۋلىعىن جاقسارتۋ ماڭىزدى بولىپ وتىر. حالىقتىڭ دەنساۋلىعىن نىعايتۋدا شيپاجاي- كۋرورتتى ەمدەۋگە ەرەكشە كوڭىل بولىنۋدە. بۇل باعىتتى دامىتۋدا ءبىزدىڭ وبلىستىڭ الەۋەتى زور»، - دەپ اتاپ ءوتتى ءوڭىر باسشىسى.

پرەزيدەنتى ءىس باسقارماسىنىڭ مەديتسينالىق ورتالىعىنىڭ باسشىسى الەكسەي سويدىڭ ايتۋىنشا، فورۋمنىڭ نەگىزگى تاقىرىبى رەتىندە مەديتسينالىق رەابيليتولوگيا تەكتەن تەك الىنىپ وتىرعان جوق.

مىندەتتى الەۋمەتتىك مەديتسينالىق ساقتاندىرۋدى ەنگىزۋ 2020 -جىلدان باستاپ جاڭا تاريفتىك ساياساتتى ەسكەرە وتىرىپ شيپاجاي- كۋرورتتى سالانىڭ دامۋىنا مۇمكىندىك بەرەدى.

فورۋمدا ايتىلعانداي، جىل سايىن ەلىمىزدە وتادان كەيىن 400 مىڭنان استام ادام بەيىمدەۋدى قاجەت ەتەدى. پرەزيدەنت كلينيكاسىنىڭ دارىگەرلەرى جۇرگىزگەن ءۇش جىلدىق زەرتتەۋ شيپاجاي- كۋرورتتى جانە قالپىنا كەلۋ ەمىن قابىلداعان ناۋقاستاردىڭ دارىگەرگە قايتا بارۋ كورسەتكىشى جىلىنا 20 پايىزعا دەيىن كەمىگەن.

فورۋمدا يتاليا، گەرمانيا، چەحيا، تۇركيا، ازەربايجان، گرۋزيا، ليتۆا جانە رەسەي ەلىنەن كەلگەن جەتەكشى ماماندار شيپاجاي- كۋرورتتى ەمدەۋدى دامىتۋدا وزدەرىنىڭ وي- پىكىرلەرىن ورتاعا سالىپ، تاجىريبەلەرىمەن ءبولىستى.

فورۋم قوناقتارى ەلىمىزگە تانىمال «وقجەتپەس» شيپاجايى جانە مارال شارۋاشىلىعى اۋماعىندا بولىپ، جۇزەگە اسىرىلىپ جاتقان ءتۇرلى ساۋىقتىرۋ شارالارىمەن جاۇىن تانىستى.

اۆتور: اسلان وسپانوۆ

سوڭعى جاڭالىقتار