داريعا نازاربايەۆا ۆالەنتينا ماتۆيەنكومەن كەزدەستى
كەزدەسۋ بارىسىندا سەنات باسشىسى قازاقستان مەن رەسەي اراسىنداعى ارىپتەستىكتىڭ ستراتەگيالىق سيپاتىن، سونداي- اق ەكى ەلدىڭ ەۋرازيا كەڭىستىگىندە ەكونوميكالىق ينتەگراتسيانى دامىتۋداعى ماڭىزدى ءرولىن اتاپ ءوتتى.
«ت م د پ ا ا كەڭەسى ءتوراعاسى رەتىندەگى بەلسەندى قىزمەتىڭىزدى جوعارى باعالايمىز. ءسىزدىڭ ارقاڭىزدا ت م د پارلامەنتارالىق اسسامبلەياسى ەۋرازياداعى ينتەگراتسيالىق پروتسەستەردىڭ باستى فلاگماندارىنىڭ بىرىنە اينالدى. اسسامبلەيانىڭ ۇيىمدىق قۇرىلىمدارى نىعايىپ، حالىقارالىق بەدەلى دە ۇنەمى ارتىپ كەلەدى» ، - دەدى د. نازاربايەۆا.
سونداي- اق جوعارى پالاتا ءتوراعاسى ەكولوگيا پروبلەمالارىنا دا نازار اۋداردى. اتاپ ايتقاندا، سۋدى پايدالانۋ جانە ترانسشەكارالىق وزەندەر ماسەلەلەرىن، اسكەري پوليگونداردىڭ اينالاسىنداعى ەكولوگيالىق جاعدايدى اناعۇرلىم ءتيىمدى رەتتەۋ ءۇشىن بىرلەسكەن جۇمىستى ۇيىمداستىرۋ قاجەتتىگىنە نازار اۋداردى. د. نازاربايەۆا ەكولوگيا جونىندە مودەلدى زاڭ ازىرلەۋدى ۇسىندى.
ۆ. ماتۆيەنكو سەنات ءتوراعاسىن رەسەي فەدەراتسياسىنا ساپارمەن كەلۋگە شاقىرىپ، قازاقستاندا وتەتىن كەزەكتەن تىس پرەزيدەنت سايلاۋىنا تمد پاا جانە فەدەراتسيا كەڭەسىنەن باقىلاۋشىلاردى جىبەرۋگە ءازىر ەكەندىگىن ءبىلدىردى. فەدەراتسيا كەڭەسىنىڭ ءتوراعاسى قازاقستاننىڭ تۇڭعىش پرەزيدەنتى ن. نازاربايەۆقا ىزگى تىلەكتەرىن ايتىپ، ەلباسىنىڭ قازاق مەملەكەتتىگىن دامىتۋعا قوسقان ۇلەسىن جوعارى باعالادى، ينتەگراتسيالىق پروتسەستەردى جىلجىتۋداعى كوشباسشىلىعىن اتاپ كورسەتتى.