قازاقستان پرەزيدەنتى بەيبىت اتامقۇلوۆقا ءبىرقاتار تاپسىرما بەردى

 نۇر- سۇلتان. قازاقپارات - قازاقستان پرەزيدەنتى قاسىم- جومارت توقايەۆ سىرتقى ىستەر ءمينيسترى بەيبىت اتامقۇلوۆتى قابىلدادى، دەپ حابارلايدى اقوردا.

مەملەكەت باسشىسىنا مينيسترلىكتىڭ بيىلعى ءبىرىنشى توقساندا اتقارعان جۇمىستارىنىڭ نەگىزگى قورىتىندىلارى مەن الداعى كەزەڭگە ارنالعان جوسپارلارى جونىندە مالىمەت بەرىلدى.

قاسىم- جومارت توقايەۆ ينۆەستيتسيالىق ساياساتتى جۇزەگە اسىرۋدىڭ تيىمدىلىگىن ارتتىرۋ، سونداي- اق، سىرتقى نارىقتاعى قازاقستان ەكسپورتىن ىلگەرىلەتۋ قاجەتتىگىن ايتتى.

بەيبىت اتامقۇلوۆ ينۆەستيتسيا تارتۋ جونىندەگى مەملەكەتتىك قۇرىلىمداردىڭ، سونىڭ ىشىندە وڭىرلىك دەڭگەيدەگى ءوزارا ءىس- قيمىلداردى جاقسارتۋ ءۇشىن قابىلدانعان جۇيەلى شارالار تۋرالى باياندادى.

سونىمەن قاتار، مەملەكەت باسشىسىنىڭ قاتىسۋىمەن وتەتىن الداعى ساپارلار مەن سىرتقى ساياسي شارالاردىڭ كەستەسى تالقىلاندى.

سوڭىندا قازاقستان پرەزيدەنتى ءبىرقاتار ناقتى تاپسىرما بەردى.