+7 (701) 759 90 19
-26 °С : نۇر-سۇلتان
0 °С : الماتى
USD 387.16 EUR 428.47
RUB 6.08 CNY 55.13
جاڭالىقتار

كەشىرىمدى كەمشىلىكتەر

18 ءساۋىر 18:08
:ءبولىسۋ
كەشىرىمدى كەمشىلىكتەر

نۇر-سۇلتان. قازاقپارات - ستاليننىڭ ءبىر قولى ەكىنشىسىنەن ءسال قىسقالاۋ بولعان.

ءار ادامدا ايناعا قاراعان سايىن كوڭىل كۇيىن قۇبىلتاتىن كەمشىلىكتەر بولادى.

ەگەر ءسىز دە سول ادامداردىڭ قاتارىندا بولساڭىز، ءوزىڭىزدى تومەنسىتۋدى دوعارىڭىز. سەبەبى سىرتقى بەينەدەگى كەشىرىمدى كەمشىلىكتەر تاريحتاعى تۇلعالاردىڭ بويىنان كوبىرەك تابىلعان دەسەدى.

مىسالى، «جەزدى مۇرت» ستاليننىڭ بويىنىڭ ۇزىندىعى - 160 سانتيمەتر بولدى. سوندىقتان فوتوگرافتار ونى كوپ جاعدايدا تومەننەن جوعارى قاراي تۇسىرگەن. ستاليننىڭ ءبىر قولى ەكىنشىسىنەن ءسال قىسقالاۋ بولعان. وسىعان بايلانىستى كوپ جاعدايدا ول ءبىر قولىن قالتاسىنا سالىپ نەمەسە سيگارەت تارتىپ تۇراتىن بولعان. ستالين عانا ەمەس، كوپتەگەن تانىمال تۇلعالاردىڭ بويىندا وسىنداي دەنە كەمشىلىكتەرى بولعان.

ماسەلەن، ءبىرىنشى پەتردىڭ باسىنىڭ دومالاق ءپىشىنى وتە كىشكەنتاي بولعان. ال ناپولەننىڭ بويىنىڭ ۇزىندىعى - 150 سانتيمەتر عانا. قىز بالالار نازارىنا، ەليزاۆەتا حانشايىمنىڭ بەت تەرىسىنىڭ بورتپەسى بولعانىنان حاباردارسىزدار ما؟ ءيا، حانشايىمنىڭ ءوزى بەت كەمىستىگىن جاسىرۋ ءۇشىن كوسمەتيكا جاساۋدى تاپسىرىپ، وپا قولدانۋعا ءماجبۇر بولعان.

ايگىلى نەمىس كومپوزيتورى ليۋدۆيگ ۆان بەتحوۆەن قۇلاعىنىڭ مۇكىستىگىنە قاراماستان مۋزىكا جازۋعا قۇلشىنا كىرىسكەن. 1802 -جىلى ونىڭ قۇلاعى مۇلدەم ەستىمەي قالادى. الايدا، سازگەردىڭ ەڭ ۇلى سيمفونيالارى وسى وقيعادان كەيىن جازىلعان.

الەم بالالارىنىڭ سۇيىكتى ەرتەگىشىسى گانس حريستيان اندەرسەننىڭ بويى شەكتەن تىس بيىك، تۇلعاسى تىم ارىق بولعانى بىلاي تۇرسىن ءومىر بويى ءتىس اۋرۋىنان زارداپ شەككەن. ونىڭ قيالىنىڭ شەكاراسىز بولعانى سونشا، ۇنەمى ۋلانىپ، وتقا كۇيىپ ولۋدەن قورقىپ، تۇزى تاۋسىلعانشا ساقتانۋمەن، وقشاۋلانۋمەن ءومىر سۇرگەن. گاي يۋلي سەزار، الەكساندر ماكەدونسكي، جاننا د'ارك، ناپولەون بوناپارت، لەوناردو دا ۆينچي، البەرت ەينشتەين، يسااك نيۋتون بۇلاردىڭ بارلىعىن بايلانىستىرىپ تۇرعان تاريحتا قالعان ەسىمدەرى عانا ەمەس. اتالعان تۇلعالاردىڭ ءبارى سولاقاي بولعانى ءۇشىن ۇيالعان جاندار قاتارىندا.

كەمشىلىكسىز ادام بولمايدى. تەك كەمشىلىگىڭىزدەن ۇيالامىن دەپ ارتىقشىلىعىڭىزدان ايرىلىپ قالماساڭىز بولعانى.


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات