+7 (701) 759 90 19 Лента
9 °С : استانا
16 °С : الماتى
USD 379.36 EUR 424.47
RUB 5.88 CNY 54.95
جاڭالىقتار

تەرروريزم تۋعىزعان اپاتقا ەڭ الدىمەن بالالار، ايەلدەر جانە قارتتار دۋشار بولادى - داريعا نازاربايەۆا

18 ءساۋىر 17:33 244
:ءبولىسۋ
تەرروريزم تۋعىزعان اپاتقا ەڭ الدىمەن بالالار، ايەلدەر جانە قارتتار دۋشار بولادى - داريعا نازاربايەۆا

 نۇر- سۇلتان. قازاقپارات - قازاقستان رەسپۋبليكاسى پارلامەنتى سەناتىنىڭ ءتوراعاسى داريعا نازاربايەۆا باستاعان قازاقستاندىق پارلامەنتشىلەر سانكت- پەتەربۋرگتەگى ت م د پارلامەنتارالىق اسسامبلەياسىنىڭ شارالارىنا قاتىسۋدا.

حالىقارالىق تەرروريزمگە قارسى ءىس- قيمىل جونىندەگى كونفەرەنسيادا ءسوز العان سەنات باسشىسى حالىقارالىق تەرروريزم - قازىرگى زامانداعى ەڭ وتكىر ماسەلەلەردىڭ ءبىرى ەكەنىن اتاپ ءوتتى، دەپ حابارلايدى قازاقپارات سەناتتىڭ باسپا ءسوز قىزمەتىنە سىلتەمە جاساپ.

«تەرروريزم جويقىن اپاتقا ۇشىراتادى، ەكونوميكالىق جانە الەۋمەتتىك ءومىردىڭ قۇلدىراۋىنا الىپ كەلەدى. بۇل اپاتقا بالالار مەن ايەلدەر جانە قارتتار الدىمەن دۋشار بولادى. ادامدار كەدەيلىك پەن سوعىستان قاشۋعا ءماجبۇر بولادى - جاھاندىق قاۋىپسىزدىككە تونەتىن قاتەر نازاردان تىس قالاتىن كوشى- قون تۋعىزادى. بۇل ءوز كەزەگىندە، بۇعان دەيىن تۇراقتى ءارى قورعالعان بولىپ كورىنەتىن دامىعان ەلدەردە جاڭا پروبلەمالار تۋعىزادى» ، - دەدى د. نازاربايەۆا.

سەنات باسشىسى لاڭكەستىككە قارسى كۇرەس - بۇل جەكەلەگەن مەملەكەتتەردىڭ نەمەسە ولاردىڭ توپتارىنىڭ ەمەس، بۇكىل الەم قوعامداستىعىنىڭ ءىسى ەكەنىنە نازار اۋداردى. ءتۇرلى قاراما- قايشىلىقتارعا قاراماستان الەمدىك جانە وڭىرلىك الىپ مەملەكەتتەر تاياۋ شىعىستا يگيل- گە قارسى كۇرەستە ءىس- قيمىلدى ۇيلەستىرۋدى قولعا الدى. دەگەنمەن، تەرروريزم وشاعى تولىقتاي جويىلعان جوق.

سەنات ءتوراعاسى قازاقستان تەرروريزمگە قارسى ءىس- قيمىلدا بىرىككەن ۇلتتار ۇيىمىنىڭ ورتالىق ۇيلەستىرۋشى رولىنە قولداۋ بىلدىرەدى. 2017-2018 -جىلداردا ب ۇ ۇ قاۋىپسىزدىك كەڭەسىنە مۇشە بولعان كەزدەگى ءبىزدىڭ ەلىمىزدىڭ جەتى باسىمدىعىنىڭ ءبىرى وسى ماسەلە بولعان ەدى. ب ۇ ۇ اياسىنداعى مەملەكەتتەردىڭ جاھاندىق تەررورعا قارسى كواليسياسىن قۇرۋ جونىندەگى نۇرسۇلتان نازاربايەۆتىڭ باستاماسى الەمدىك قاۋىمداستىعىنىڭ كەڭ قولداۋىنا يە بولدى.

جوعارعى پالاتانىڭ باسشىسى 2018 -جىلدىڭ قىركۇيەك ايىندا ب ۇ ۇ باس اسسامبلەياسىنىڭ سەسسياسى اياسىندا لاڭكەستىكتەن ازات الەمگە قول جەتكىزۋ جونىندەگى داعدى كودەكسىنە قول قويىلعانىن حاباردار ەتتى. بۇل قۇجاتقا 70 تەن استام مەملەكەت قوسىلدى.

«ءبىز الەم قوعامداستىعى تەرروريزم مەن ءدىني ەكسترەميزمدى جوياتىن جاڭا تاسىلدەر مەن شەشىمدەر ازىرلەۋدى قاجەت ەتەتىنىنە سەنىمدىمىز. بەيبىتشىلىك پەن قاۋىپسىزدىك جولىنداعى كۇرەستە بىرلىككە قول جەتكىزۋدىڭ بالاماسىز جولى رەتىندە اۋقىمدى ءۇنقاتىسۋ قاعيداتتارى ولاردىڭ نەگىزىندە جاتۋعا ءتيىس» ، - دەدى د. نازاربايەۆا.

سەنات باسشىسى كونفەرەنسياعا قاتىسۋشىلارعا ارناعان سوزىندە جاڭا سىن- قاتەرلەر ۇلتتىق پارلامەنتتەر مەن پارلامەنتارالىق ۇيىمدار دەڭگەيىندە ءوزارا بەلسەندى ءىس- قيمىلدى تالاپ ەتەتىنىن اتاپ ءوتتى. تەرروريزمگە قارسى ءىس- قيمىلدا ۇلتتىق زاڭنامالاردى ۇيلەستىرۋ تابىستىڭ ماڭىزدى فاكتورى بولىپ تابىلادى.

«ت م د پارلامەنتارالىق اسسامبلەياسى اۋقىمدى جۇمىستار اتقارىپ جاتقانى بىزگە بەلگىلى. بىرلەسكەن كۇش- جىگەردىڭ ناتيجەسىندە قاۋىپسىزدىك ماسەلەلەرىن رەتتەيتىن ۇلگى زاڭنامانىڭ ساپالى بازاسىن قۇرۋ مۇمكىن بولدى. بۇل جۇمىستار ءتيىمدى پارلامەنتارالىق ىنتىماقتاستىقتىڭ ايقىن مىسالى بولىپ تابىلادى» ، - دەدى سەنات ءتوراعاسى.

وسى ماسەلەگە ورتاق كوزقاراستى قالىپتاستىرۋ ءۇشىن كۇش- جىگەردى بىرىكتىرۋدى ماقسات ەتكەن كونفەرەنتسيادا تەرروريزمگە قارسى ءىس- قيمىلداعى حالىقارالىق ينستيتۋتتاردىڭ ءرولى، ەكسترەميستىك يدەيالاردى تاراتۋدا جەلىلىك تەحنولوگيالاردى پايدالانۋدى بولدىرماۋ، لاڭكەستەردى قۋدالاۋ جانە تەرروريزمدى قارجىلاندىرۋدىڭ جولىن كەسۋ ماقساتىندا زاڭنامانى جەتىلدىرۋ ماسەلەلەرى تالقىلاندى.


باستى سوزدەر: بيلئك جانة ساياسات,
:ءبولىسۋ

اأتور:

novasa

ونلاين قىزمەتكەرلەر
مۇراعات