+7 (701) 759 90 19
0 °С : نۇر-سۇلتان
18 °С : الماتى
USD 389.59 EUR 429.06
RUB 6.05 CNY 55.07
جاڭالىقتار

يدەيا نەگە بارلىق ادامعا كەلە بەرمەيدى؟

18 ءساۋىر 16:50
:ءبولىسۋ
يدەيا نەگە بارلىق ادامعا كەلە بەرمەيدى؟

نۇر-سۇلتان. قازاقپارات - اۋەلىءسىز يدەيا ايتۋدان قورىقپاڭىز.

«يدەيا» نەگە بارلىق ادامعا كەلە بەرمەيدى؟ بىلەگىنىڭ كۇشى بەلدەسكەننىڭ بەلىن ۇزگەن، قولىنا تۇسكەن قىلىشى قارسىلاسقاننىڭ بەتىن قايتارعان ازاماتتاردىڭ العا وزاتىندىعى ارتتا قالىپ، ساناسىنىڭ تىزگىنىن مىقتاپ ۇستاعانداردىڭ بايگە الىپ جۇرگەنى، زاماننىڭ قويار تالاپتارىنىڭ وزگەرگەندىگىن كورسەتەدى.

تۇلكى زاماندى تازى بوپ شالىپ جاتقان قازىرگىلەر نەسىمەن ەرەكشەلەنەدى؟ جەتىستىكتىڭ جەلكەنىن ءجيى كوتەرەتىندەرگە تالداۋ جاساساڭىز جاڭالىق اشقاننىڭ باعى جانىپ جۇرگەنىنە كوزىڭىز جەتەدى. ياعني، قوعامعا ءجيى-ءجيى جاڭا «يدەيا» ۇسىنىپ جاتقاندار وزىپ جاتىر.

ءبىر اۋديتوريادا وتىرعان 100 ادامنان بەلگىلى- ءبىر تاقىرىپتا يدەيا سۇراساڭىز، 10 عا جۋىق جاۋاپ ۇسىنىلاتىنىن ەسكەرسەك، نەلىكتەن بارلىق ادامعا يدەيا كەلمەيدى دەگەن سۇراقتىڭ تۋىنداۋى ورنىقتى. بۇل سۇراققا جاۋاپ رەتىندە وزىندىك كوزقاراسپەن بىرنەشە پسيحو- فيلوسوفيالىق پىكىر ۇسىنۋعا بولادى: ستۋدەنتتەرگە جۇرگىزىلگەن ساۋالناماعا سۇيەنسەك يدەيا ۇسىناتىن ادامداردىڭ ازدىعىنا سەبەپ- عىلىمي بىلىمسىزدىك.

ءبىراق، الەمدىك ارەناداعى يدەياشىلداردىڭ باسىم بولىگى ۇشكە وقىعاندىعىن ەسكەرسەك، پراكتيكانىڭ ءسوزى ولاي دەمەيدى . كوپشىلىكتىڭ اراسىندا « يدەيا-قاجەتتىلىكتەن تۋادى» دەگەن پىكىر بار ەكەن.

ءبىراق، بۇل ءبىز ىزدەگەن سۇراققا تولىققاندى جاۋاپ ەمەس. يدەيا- قاجەتتىلىكتى قامتاماسىز ەتۋگە دەگەن قۇلشىنىستان باستاۋ الادى. «كەدەي باي بولسام دەيدى، باي قۇداي بولسام دەيدى» دەگەن قازاقتىڭ ءسوزى، قاجەتتىلىگىنىڭ بارلىعى شەشىلىپ قويعان ادامنىڭ جوقتىعىن كورسەتەدى. قاجەتتىلىك بارىندە بار، ونى شەشۋگە دەگەن قۇلشىنىس كوبىندە جوق! سول ءۇشىن شىعار يدەيا ۇسىنۋشىلىق تا كوبىنەن تابىلا بەرمەيدى. يدەيا تاباتىنداردى از دەپ فاكت جاساۋعا دا بولمايدى. يدەياسى بار، ءبىراق، كوپشىلىككە ۇسىنۋعا قولى قىسقا ازاماتتار كوپ. ال وسى كوپتىك- فاكت.

اۋىلداعى ءوز قاجەتتىلىكتەرىن شەشۋ جولىندا يدەيا «ايتاتىندار» كوپ. ال ايتىلعان يدەيانى ۇكىمەت «پىكىر»دەپ قابىلداۋىن توقتاتپايىنشا، تەلەديدار تەك سۋىق حابارلاردى عانا «جاڭالىقتار» دەپ ايتۋدى دوعارمايدى. يدەيانىڭ بارلىق ادامدا تابىلا بەرمەۋىنە تاعى ءبىر سەبەپ قولداۋ مەن كومەكتىڭ بولماۋى. قولداۋدى بەرەتىن- بيلىك.

ۇكىمەت، اگروتەحنيكا تۋرالى يدەيانى ەگىن ەككەن ديقاننان ەمەس، كەتپەن ۇستاماعان قالالىق ستۋدەنتتەردەن سۇراۋىن توقتاتپايىنشا، قولداۋدى كەرەكتى جەرگە كورسەتپەيىنشە كەرەكتى ناتيجە الا المايدى. بۇل ءجاي عانا مىسال. بارلىعىمىزدا يدەيا بار نەمەسە ونى تابۋعا مۇمكىنشىلىك پەن ۋاقىت تا بار. ەندىگى تابۋ كەرەك نارسە قولدانىسقا ەنگىزۋگە جول. يدەياڭىز بولسا الەۋمەتتىك جەلىگە سالىڭىز. ەلۋ بولعان ەلدىڭ قۇلاعى وسى الەۋمەتتىك جەلى ءقازىر. بۇرىنعىداي اكىمگە جەتۋ ءۇشىن اكىمشىلىكتە كەزەكتە تۇرۋدىڭ قاجەتى جوق. ينتەرنەتىن قوسقان اكىمنىڭ تەلەفونىنا ءبىر كۇن بولماسا ءبىر كۇن ءسوزىڭىز جەتىپ بارادى. جەتۋ بولەك، ورنىعۋ بولەك ارينە. بۇل مەنەن ءبىر يدەيا بولسىن.


باستى سوزدەر: الةم,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات