+7 (701) 759 90 19 Лента
9 °С : استانا
16 °С : الماتى
USD 379.36 EUR 424.47
RUB 5.88 CNY 54.95
جاڭالىقتار

باقىتتى بولۋعا نە كەدەرگى؟

18 ءساۋىر 15:30 224
:ءبولىسۋ
باقىتتى بولۋعا نە كەدەرگى؟

 نۇر-سۇلتان. قازاقپارات - ءومىر سۇرۋگە، شاتتانۋعا، قۋانۋعا كەدەرگى ەتەتىن نارسەلەردى بىلەسىز بە؟ ءبىز ءومىر جولىندا سان ءتۇرلى قاتەلىك جىبەرەمىز.

«ابايلا، بايقا» دەگەن نۇسقاۋلىقتاردى ەستىگەن بولساق تا، سول قاتەلىكتەرگە ۇرىنا بەرەمىز.

1. وتكەنمەن ءومىر ءسۇرۋ

بۇل - العاشقى قاتەلىك. ەگەر ءسىزدىڭ ەسىڭىزدەن بولعان جايتتاردى جۇلىپ الىپ تاستاسا، ءسىز كۇرت وزگەرەر ەدىڭىز. جاڭا ومىرگە شاتتانىپ، تەك ىلگەرى جۇرۋگە تالپىنار ەدىڭىز. راس قوي؟

ءبىزدى ءبىر ورىنعا شەگەلەپ، ۇستاپ تۇرعان - وتكەنىمىز. ەرتەرەكتە جىبەرگەن قاتەلىكتەرىمىزبەن ءوزىمىزدى جەگىدەي جەپ، مازا بەرمەيمىز. كوپتەگەن ادام «مەن بۇعان ەشتەڭە ىستەي الار ەمەسپىن» دەپ اقتالادى. راسىندا دا، وتكەننىڭ اۋىر زالالىنان قۇتىلۋ مۇمكىن ەمەس سەكىلدى. ەڭ الدىمەن، ودان ارىلۋعا ءوزىڭىز قادام باسۋىڭىز كەرەك. بولاشاقتا باقىتتى بولۋ ءۇشىن بۇگىن قۋانۋىڭىز كەرەك. تەرەڭ دەم الىپ، وتكەندى بوساتىڭىز. جاڭا قۋانىش، جاڭا ەستەلىكتەرگە ورىن بەرىڭىز. ءسىزدى باقىتتى ەتە الاتىن - ءوزىڭىز.

2. تاۋەكەل

تاۋەكەلگە بارۋدان قورىقپاڭىز. وتىرا بەرگەننەن تۇك شىقپايدى. وعان تەلەفون شالۋعا كۇماندانىپ تۇرسىز با؟ ءنومىردى تەرىپ، ماسەلەنى شەشىڭىز. ءىرى كومپانياعا تۇيىندەمە جىبەرۋگە كۇماندانىپ تۇرسىز با؟ تاۋەكەلگە بەل بۋىپ، جىبەرىڭىز. سەبەبى، ەشتەڭە جوعالتپايسىز، كەرىسىنشە، دەگەنىڭىزگە جەتۋىڭىز ابدەن مۇمكىن. قىزدى ۇناتتىڭىز با؟ جۇرەكسىنبەي، گۇلىڭىزدى الىپ، سەزىمىڭىزدى ايتىڭىز.

ادەتتە ادامدار قاتەلىك جىبەرۋدەن قورىققاندىقتان، تاۋەكەلگە بارمايدى. قاتەسىز تابىسقا جەتكەن ادامدى كوردىڭىز بە؟ قاتەلىكتەر بىزگە قاجەت ەكەنىن ۇمىتپاڭىز. ولار ارقىلى ءبىز وزىمىزگە نە كەرەكتىگىن انىقتايمىز.

مۇنداي كىشىگىرىم قادامدار ءسىزدىڭ مىنەزىڭىزدى، جىگەرىڭىزدى قاتايتىپ، «تاربيەلەيدى». جاقسى قاسيەت ەمەس پە؟

3. باعالاۋ

«بارىمەن بازار بولۋ كەرەك» دەگەندى قانشا رەت ەستىدىڭىز؟ بۇل ماتەلمەن باس يە كەلىسە كەتەمىز، وكىنىشكە وراي، ءىسىمىز سايكەس كەلمەي جاتادى. قولىمىزداعى باقىتتى دالادان ىزدەيمىز. جاقىندارىمىزدى «ەشقايدا كەتپەس» دەپ رەنجىتىپ جاتامىز. اشۋعا بەرىلىپ، اۋىر سوزدەر ايتامىز. مۇنىڭ ءبارى نەگاتيۆتەن باستاۋ الادى.

ەڭ الدىمەن، جاقىندارىڭىزدى باعالاي ءبىلىڭىز. وقىپ جۇرگەن وقۋىڭىزدى، جۇمىسىڭىزدى باعالاڭىز. ەگەر ۇناماسا، وزگەرتۋگە تالپىنىڭىز. قارعىس ايتىپ، ىزالانعاننان تۇك شىقپايدى.

ءبىز ءومىر جولىندا سان ءتۇرلى قاتەلىك جىبەرەمىز. «ابايلا، بايقا» دەگەن نۇسقاۋلىقتاردى ەستىگەن بولساق تا، سول قاتەلىكتەرگە ۇرىنا بەرەمىز. ال، ءومىر سۇرۋگە، شاتتانۋعا، قۋانۋعا كەدەرگى بولاتىن نارسەلەردى بىلەسىز بە؟

4. قورقىنىش

بارلىق قورقىنىشىمىز ويىمىزدان پايدا بولادى. ادەتتە، «بولاشاقتا نە بولاتىنى بەلگىسىز» دەگەن نەگىزبەن ولىمنەن، اۋرۋدان، ساتسىزدىكتەن، قاتە جىبەرۋدەن قورقامىز. الدىمىزدا نە كۇتىپ تۇرعانى بەلگىسىز بولعاندىقتان، ونى مەزگىلىنەن ەرتە، سەبەپسىز ۋايىمداپ، سارعايىپ جاتامىز. تەك جاقسى دۇنيەنى ەلەستەتىپ، جاقسى نارسەلەر جايلى ويلاعانىڭىز دۇرىس.

قورقىنىشپەن كۇرەسۋ كەرەك. وعان توتەپ بەرىڭىز.

ارينە، ءومىر جولىندا قاتە جىبەرىپ وتىرامىز. الايدا، ولاردىڭ سىزگە تاجىريبە بولاتىنىن، شىڭدالۋىڭىز ءۇشىن قاجەت ەكەنىن ۇمىتپاڭىز.

5. «وزىممەن ءوزىم»

قازىرگى قوعامنىڭ باستى ۇرانىنا اينالعان ءسوز ەمەس پە؟ جاقىنىڭ بولسىن، بوتەن ادام بولسىن قول ۇشىن بەرۋ يگى ءىس. يگى ءىستى شىن نيەتپەن جاساۋ كەرەك.

6. قاتە ۇستانىم

كەز كەلگەن ءىس- ارەكەتتىڭ ءساتتى بولۋى نەگە بايلانىستى؟ ارينە، نيەتكە. ەگەر ءسىز شىن قالاپ ءبىر ءىستى باستاساڭىز، جولىڭىزدا قانشا كەدەرگى شىقسا دا، ولارعا توتەپ بەرىپ، ناتيجەگە قول جەتكىزەسىز. ال ەگەر ءسىز قالاماساڭىز، قانشا تىرىسقانىڭىزبەن ويداعىداي بولمايدى. ياعني، «مەن... مىندەتتىمىن» دەگەن قاتە ۇستانىمنان ارىلۋىڭىز كەرەك. كۇماندانىپ تۇرساڭىز، باس تارتىڭىز. ءسىزدىڭ جالعىز مىندەتىڭىز -  ومىردە ءوز ورنىڭىزدى تاۋىپ، وزىڭىزگە، جاقىندارىڭىزعا قامقور بولۋ.

7. وكىنىش

كۇنىنە قانشا شەشىم قابىلدايسىز؟ ايالداماعا كەش كەلىپ، اۆتوبۋستان كوز جازىپ قالدىڭىز دەلىك، بىردەن وكىنىپ، ءوزىڭىزدى سوگە باستايسىز. «ەرتەرەك شىعۋ كەرەك ەدى»، «تاڭعى استى ىشپەۋ كەرەك ەدى»، «ەرتە جاتۋ كەرەك ەدى»، تاعىسىن تاعىلار. بۇل جەردە «بولعان ءىس بولدى، بوياۋى ءسىڭدى» دەگەن ماتەل ورىندى بولار. جولىڭىز بولمادى ما؟ وكىنبەڭىز، مۇڭايماڭىز. كوكجيەكتەن جاڭا تاڭ اتاتىنىن ەستەن شىعارماڭىز.

 


باستى سوزدەر: قوعام,
:ءبولىسۋ

اأتور:

novasa

ونلاين قىزمەتكەرلەر
مۇراعات