+7 (701) 759 90 19
0 °С : نۇر-سۇلتان
18 °С : الماتى
USD 389.59 EUR 429.06
RUB 6.05 CNY 55.07
جاڭالىقتار

الماتى وبلىسىندا پوليتسەيلەر ۇلتتىق بيۋرو قىزمەتكەرلەرىنە وق اتىپ، قاشىپ كەتكەن

18 ءساۋىر 14:58
:ءبولىسۋ
الماتى وبلىسىندا پوليتسەيلەر ۇلتتىق بيۋرو قىزمەتكەرلەرىنە وق اتىپ، قاشىپ كەتكەن

نۇر-سۇلتان. قازاقپارات - ۇلتتىق بيۋرو الماتى وبلىسىندا پوليتسەيلەردى تۇتقىنداۋ كەزىندە ولاردىڭ قارسىلىق كورسەتكەنىن حابارلادى.

ءتارتىپ ساقشىلارىنىڭ ءبىرى ءتىپتى، جەمقورلىققا قارسى كۇرەس قىزمەتكەرىنە وق اتقانى انىقتالدى. ناتيجەسىندە، ءۇش پوليتسەي قاشىپ كەتكەن. ولارعا ىزدەۋ جاريالاندى.

انىقتالعانداي، ۇلتتىق بيۋرونىڭ الماتى وبلىسى بويىنشا جەمقورلىققا قارسى كۇرەس دەپارتامەنتى مەن وبلىستىق پوليتسيا دەپارتامەنتىنىڭ وزىندىك قاۋىپسىزدىك باسقارماسى پانفيلوۆ اۋداندىق پوليتسياسىنىڭ اكىمشىلىك پوليتسيا بولىمشەسىنىڭ باسشىسى، پوليتسيا مايورى، جەرگىلىكتى پوليتسيا قىزمەتىنىڭ باسشىسى جانە تاعى ەكى پاترۋلدىك پوليتسيا قىزمەتكەرلەرى پارا العانىن انىقتادى.

«ولار جەرگىلىكتى تۇرعىننان 700 مىڭ تەڭگە پارا الدى دەپ كۇدىكتەلۋدە. قوماقتى قارجىنى ولار وزدەرى تاركىلەگەن 2491 ونداتر تەرىسىن قايتارۋ ءۇشىن الماق بولعان. تەرگەۋ جالعاسىپ جاتىر.

تۇتقىنداۋ كەزىندە پاترۋلدىك پوليتسيا قىزمەتكەرىنىڭ ءبىرى جەمقورلىققا قارسى كۇرەس قىزمەتىنىڭ جەدەل-تەرگەۋ توبىنىڭ باعىتىنا ءۇش مارتە وق اتقان. ناتيجەسىندە، ءۇش پوليتسەي وقيعا ورنىنان قاشىپ كەتتى»، - دەدى مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ قوعاممەن بايلانىس دەپارتامەنتىنىڭ باسشىسى ارمان بەردالين.

پانفيلوۆ اۋداندىق پوليتسيا بولىمىمەن وقيعاعا قاتىستى قىلمىستىق كودەكستىڭ 380-بابى ءۇشىنشى بولىگى بەسىنشى تارماعى بويىنشا سوتقا دەيىنگى ءىس جۇرگىزۋ تىركەلدى.

قازىرگى ۋاقىتتا قاشىپ كەتكەندەردى ىزدەۋ جۇمىستارى جۇرگىزىلىپ جاتىر


باستى سوزدەر: قوعام, زاڭ جانە قۇقىق ,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات