+7 (701) 759 90 19
7 °С : نۇر-سۇلتان
10 °С : الماتى
USD 389.94 EUR 433.50
RUB 6.10 CNY 55.13
جاڭالىقتار

ادام تەرىسىنەن جاسالعان كىتاپ ەلورداداعى كورمەگە قويىلادى

18 ءساۋىر 14:29
:ءبولىسۋ
ادام تەرىسىنەن جاسالعان كىتاپ ەلورداداعى كورمەگە قويىلادى

نۇر-سۇلتان. قازاقپارات - 2019-جىلدىڭ 24-27- ساۋىرىندە «كورمە» ورتالىعىندا «Eurasian Book Fair-2019» كەزەكتى ەۋرازيالىق حالىقارالىق كىتاپ جارمەڭكەسى وتەدى، دەپ حابارلايدى قازاقپارات ءتىلشىسى.

كورمە-جارمەڭكەگە الىس جانە جاقىن شەت ەلدەردەن - رەسەي، ازەربايجان، تاجىكستان، ارمەنيا، قىرعىزستان، تۇركيا، قىتاي، يران، پولشا، بەلگيا، لاتۆيا، ۋكراينا جانە وزبەكستان سىندى 13 مەملەكەتتەن 90 كومپانيا قاتىسادى. كىتاپتارمەن بىرگە اتالعان كورمەگە سيرەك كەزدەسەتىن قولجازبالار دا قويىلماق.

«قازىرگى ۋاقىتتا ۇلتتىق اكادەميالىق كىتاپحانادا 13 مىڭنان استام سيرەك كىتاپتار مەن قولجازبالار ساقتاۋلى. قورىمىزدىڭ ەڭ ۇزدىك ەكسپوناتتارىنىڭ ءبىرى - 1532-جىلى كورسەتىلگەن ەسكى لاتىن قارپىندە جازىلعان قولجازبا. بۇل كىتاپتىڭ مۇقاباسى ادام تەرىسىنەن جاسالعان، سوندىقتان كورمەگە كەلۋشىلەردىڭ بارلىعى وسى كىتاپقا قىزىعۋشىلىق تانىتىپ وتىر. كورمەدە اتىشۋلى كىتاپتىڭ قاسىنا كۇزەت قويىلادى»، - دەدى ۇلتتىق اكادەميالىق كىتاپحانا ديرەكتورى ءۇمىتحان داۋرەنبەك قىزى ورتالىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا.

سونىمەن بىرگە، سيرەك كەزدەسەتىن كىتاپتار اراسىندا پارسى، ءۇندىستان، قىتاي جانە جاپونيانىڭ ءتۇپ نۇسقا ەڭبەكتەرىنەن الىنعان 1735-جىلى شىعارىلعان قىتاي ويشىلدارىنىڭ كىتابى بار.

«بۇل كىتاپ ءۇش دانادا جارىق كوردى، ولاردىڭ ءبىرى لۋۆردە، ەكىنشىسى - قازاقستاندا ساقتالسا، ءۇشىنشى - بەلگىسىز وقىرماننىڭ قولىندا»، - دەدى ول.

ايتا كەتەيىك، جىل سايىن حالىقارالىق كىتاپ جارمەڭكەسى كىتاپتاردى ناسيحاتتاۋ، قاتىسۋشى ەلدەردىڭ ادەبي مۇرالارىن دامىتۋ جانە وقۋ مادەنيەتىن قالىپتاستىرۋ ماقساتىندا وتەدى. كورمە اياسىندا 150 دەن استام ءىس-شارا ۇيىمداستىرىلماق. كورمە كەلۋشىلەرىنە ادەبي ەكسكۋرسيالار، جۇمباق پوەتيكالىق مارشرۋتتار، اۆتورلارمەن، باسپاگەرلەرمەن، سۋرەتشىلەرمەن كەزدەسۋلەر ۇيىمداستىرىلادى.


باستى سوزدەر: مادةنيةت,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات