+7 (701) 759 90 19 Лента
9 °С : استانا
18 °С : الماتى
USD 382.38 EUR 428.30
RUB 5.97 CNY 55.39
جاڭالىقتار

ازيا چەمپيوناتى: قىتايدان كەلگەن كوكپارشىلار تاجىكستاننان ۇتىلىپ قالدى

18 ءساۋىر 13:13 327
:ءبولىسۋ
ازيا چەمپيوناتى: قىتايدان كەلگەن كوكپارشىلار تاجىكستاننان ۇتىلىپ قالدى

 نۇر-سۇلتان. قازاقپارات - الماتىدا ءوتىپ جاتقان جاستار اراسىنداعى 1-ازيا چەمپيوناتىنىڭ ءۇشىنشى كۇنىندە ەكىنشى بولىپ قىتاي مەن تاجىكستان كوكپار كوماندالارى الاڭعا شىقتى.

ەستەرىڭىزدە بولسا، بۇعان دەيىن، ياعني 17- ءساۋىر كۇنى تاجىكستان مەن رەسەي اراسىنداعى ويىندا تاجىك قۇراماسى ويىن ەرەجەسىن بۇزعانى ءۇشىن، ويىن توقتاتىلىپ، تورەشىلەر شەشىمىمەن جەڭىستى بىردەن رەسەي قۇراماسىنا بەرگەن بولاتىن.

بۇگىن دە تاجىك كوكپارشىلارى سول قۇراممەن كەلدى. دەگەنمەن قىتاي كومانداسى ەشقانداي قارسىلىق تانىتپاعاندىقتان، ەكى قۇراما ءوزارا مىقتىنى انىقتاۋعا كىرىستى.

راس، وسى چەمپيوناتتاعى ويىن الاڭىندا ەڭ وسال ويناعان ەكى كوماندا وسى ەكەۋى دەۋگە بولادى. دەگەنمەن، بۇگىنگى ويىندارى ناعىز تارتىسقا تولى بولدى. قوس كوماندا دا ءبىر بىرىنە ساي، ءبىر-بىرىنە ەسە بەرمەس، دەڭگەيلەس ەكەنىن كورسەتتى.

سولاي دەسەك تە، مىقتىدا مىقتى وزادى ەمەس پە، تاجىك جىگىتتەرى ءوز شەبەرلىكتەرىن تانىتىپ باقتى. تاقىمنان سۋىرىپ الۋ، جەردەن ات باۋىرىنا ءتۇسىپ سەركەنى ءىلىپ الۋ، قورعاۋشىدا قارسىلاسىن تىرپ ەتكىزبەي قاقپايلاي بىلۋدە تاجىك جىگىتتەرى قىزىل تۋلى قانداستاردى اجەپتاۋىر ابىگەرگە سالدى.

ويىننىڭ العاشقى بولىگىندە ەسەپ 9 مينۋتتان سوڭ ارەڭ اشىلدى. سالىمدى تاجىكستان كوكپارشىسى سالدى. العاشقى 20 مينۋتتا ەسەپ 2:1 گە زورعا جەتتى.

10 مينۋتتىق ۇزىلىستەن سوڭ ويىن شيراي المادى. ەكى كوماندانىڭ دا العاشقى قارقىنى جوق. قالعان 20 مينۋتتى بىردەڭە قىلىپ وتكىزىپ بەرۋدى عانا ويلاپ جۇرگەندەي. سوعان قاراماستان تاجىكستان جىگىتتەرى ەسەپتى 6:1 گە جەتكىزدى.

baq.kz


باستى سوزدەر: سپورت,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
مۇراعات