+7 (701) 759 90 19 Лента
23 °С : استانا
29 °С : الماتى
USD 382.38 EUR 428.30
RUB 5.97 CNY 55.39
جاڭالىقتار

قازاقستاندىقتاردان مەكەنجاي انىقتاماسى سۇرالمايتىن بولادى - اسقار جۇماعاليەۆ

18 ءساۋىر 12:22 452
:ءبولىسۋ
قازاقستاندىقتاردان مەكەنجاي انىقتاماسى سۇرالمايتىن بولادى - اسقار جۇماعاليەۆ

نۇر- سۇلتان. قازاقپارات - ق ر سيفرلىق دامۋ، قورعانىس جانە ايەروعارىش ونەركاسىبى ءمينيسترى اسقار جۇماعاليەۆ جاڭا پيلوتتىق جوبانىڭ ىسكە قوسىلعانىن جاريا ەتتى، دەپ حابارلايدى قازاقپارات ءتىلشىسى.

«دوستار، مەنىڭ مەكەنجاي انىقتاماسىنان باس تارتۋ قاجەتتىگى تۋرالى جازعانىم ەستەرىڭىزدە بولار. بۇل ماسەلەنىڭ شەشىمىن تاپتىق، ەندى سىزدەردەن قولداۋ كۇتەمىن. مەكەنجاي انىقتاماسىنىڭ قاجەتتىلىگىنە كۇمان كەلتىرگەن جازبامدى جاريالاعان سوڭ، وزدەرىڭىزدەن كوپتەگەن ۇسىنىس- پىكىرلەر كەلىپ ءتۇستى. بۇل انىقتامانى بىرىنشىدەن، مەملەكەتتىك مەكەمەلەر ءجيى تالاپ ەتەدى، ايتسە دە ولاردىڭ سۇراتۋعا قۇقىعى جوق. ەكىنشىدەن، ەڭبەك كودەكسىندە مەكەنجاي انىقتاماسىن تالاپ ەتۋ تۋرالى باپتىڭ جوقتىعىنا قاراماستان، جەكە ۇيىمدار دا ءجيى سۇراتادى»، - دەپ جازادى مينيستر فەيسبۋك پاراقشاسىندا.

اسقار جۇماعالييەۆتىڭ جازۋىنشا، دەگەنمەن، مەكەنجاي انىقتاماسىن قاجەت دەپ سانايتىندار دا بار بولىپ شىققان. ولار اتالعان انىقتامانىڭ قاجەت ەكەنىنە ءتۇرلى سەبەپتەردى ءۋاج ەتە وتىرىپ، ءوز كوزقاراستارىن ءبىلدىرىپ جاتىر.

«ءبىز وزدەرىڭىزدەن كەلىپ تۇسكەن بارلىق ۇسىنىس- تىلەكتەردى ەسكەردىك. ەگەر سىزگە ازاماتتىڭ مەكەنجايى تۋرالى انىقتاما قاجەت بولسا، ازاماتتى سول ءۇشىن ح ق و- عا جۇمساماي، ونى ءوزىڭىز- اق الا الاسىز. وسى ماقساتتا پيلوتتىق جوبانى ىسكە قوسپاقپىز. كادرلىق قىزمەتتىڭ قىزمەتكەرى نەمەسە مەكەنجاي انىقتاماسىن سۇراتۋشىلار ازاماتتىڭ ءۇشىنشى ءبىر تاراپقا رۇقسات بەرگەنى تۋرالى SMS حابارلامانى الىسىمەن، «egov» پورتالىنا كىرىپ، وزدەرى انىقتامانى جۇكتەپ الادى»، - دەيدى مينيستر.

ءمينيستردىڭ حابارلاۋىنشا، بۇگىنگى كۇنى 7 ميلليوننان استام قازاقستاندىق «موبيلدى ازامات» بازاسىندا تىركەلگەن. بۇل وسىنشا ازاماتتىڭ SMS- حابارلاما ارقىلى ءۇشىنشى تاراپقا مەكەنجاي انىقتاماسىن الۋعا رۇقسات بەرە الاتىنىن اڭعارتادى. ال، قالعان ازاماتتارعا ح ق و- عا بارىپ، ءوزىنىڭ تەلەفون ءنومىرىن تىركەتۋىنە تۋرا كەلەدى.

«بۇل ءۇشىن بىرنەشە مينۋت ۋاقىتىڭىزدى جۇمساعانىڭىزبەن، كەيىن ءبىرقاتار ارتىقشىلىقتارعا قول جەتكىزەسىز. اتاپ ايتساق، 25 سەرۆيس پەن انىقتامالاردى ە ت س ق- ءسىز تەلەگرام قىزمەتى ارقىلى الۋ مۇمكىندىگىنە يە بولاسىز. قۇرمەتتى مەكەنجاي انىقتاماسىن تالاپ ەتۋشىلەر! جاقىن بولاشاقتا ق ر ىشكى ىستەر مينيسترلىگى جانە مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىمەن بىرلەسە وتىرىپ، پيلوتتىق جوبانى ىسكە قوسۋ كۇنىن بەلگىلەيمىز. وسىدان سوڭ، ازاماتتاردان مەكەنجاي انىقتاماسىن تالاپ ەتپەي، ونى ءۇشىنشى تاراپتىڭ سەرۆيسى ارقىلى وزدەرىڭىز الاتىن بولاسىزدار. كومەك قاجەت بولسا، ح ق و قىزمەتكەرلەرى سىزدەرگە كەڭەس بەرۋگە ءارقاشان دايىن»، - دەيدى مينيستر.

ەسكە سالا كەتسەك، بۇعان دەيىن اسقار جۇماعاليەۆ مەملەكەتتىك ورگانداردىڭ بازالارىن ينتەگراتسيالاۋ ارقىلى انىقتامالاردى بارىنشا قىسقارتۋ قاجەتتىگىن ايتقان بولاتىن.

اۆتور: ايان بەكەن ۇلى


باستى سوزدەر: بيلئك جانة ساياسات,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049
مۇراعات