+7 (701) 759 90 19 Лента
9 °С : استانا
16 °С : الماتى
USD 379.36 EUR 424.47
RUB 5.88 CNY 54.95
جاڭالىقتار

گولوۆكيننىڭ كەلەسى جەكپە-جەكتەن الاتىن سىياقىسى بەلگىلى بولدى

18 ءساۋىر 11:14 315
:ءبولىسۋ
گولوۆكيننىڭ كەلەسى جەكپە-جەكتەن الاتىن سىياقىسى بەلگىلى بولدى

نۇر-سۇلتان. قازاقپارات - ورتا سالماقتا الەمنىڭ بۇرىنعى چەمپيونى گەننادي گولوۆكيننىڭ (38-1-1، 34 ك و) DAZN ستريمينگ سەرۆيسىندەگى العاشقى جەكپە-جەگىنەن الاتىن سىياقىسى بەلگىلى بولدى.

8-ماۋسىمدا نيۋ-يوركتەگى Madison Square Garden ارەناسىندا جەكپە-جەك وتكىزەدى، قارسىلاسى - ءالى جەڭىلمەگەن كانادالىق ستيۆ روللس (19-0، 10 ك و. كەزدەسۋ 164 فۋنت سالماق دارەجەسىندە وتەدى. بۇل گولوۆكين مەن DAZN ستريمينگ سەرۆيسى اراسىنداعى ءۇشجىلدىق كەلىسىمشارت اياسىندا وتەتىن التى جەكپە-جەكتىڭ العاشقىسى بولماق. Boxingnews24.com جۋرناليسى اللان فوكستىڭ اقپاراتى بويىنشا، بۇل جەكپە-جەك ءۇشىن گولوۆكين 15 ميلليون دوللار الۋى مۇمكىن. «گولوۆكين روللسپەن كەزدەسۋ ءۇشىن 15 ميلليون دوللار الادى دەگەن قاۋەسەت تاراپ جاتىر. بۇل جەكپە-جەك دەڭگەيىنە ساي كەلمەيتىن اقشا. DAZN گولوۆكين مەن ونىڭ مەنەدجمەنتىنە پلاتفورماداعى دەبيۋتى ءۇشىن وڭاي كەزدەسۋ ۇسىنعان بولار. ءبىراق روللسپەن جەكپە-جەكتەن كەيىن GGG ءوزىنىڭ كەلىسىمشارتىن ساۋل الۆارەس، دەنيەل دجەيكوبس، دەمەتريۋس اندرادە مەن دجەرمالل چارلو سەكىلدى «ارىستاندارعا» قارسى كەزدەسۋلەردە اقتايدى»، - دەپ جازدى جۋرناليست.

ايتا كەتەيىك، گولوۆكين ءوزىنىڭ سوڭعى جەكپە-جەگىن بىلتىر قىركۇيەكتە لاس-ۆەگاستاعى T- Mobile Arena-دا وتكىزگەن ەدى. سول كەزدە ول مەكسيكالىق ساۋل «كانەلو» الۆارەستەن (51-1-2، 35 ك و) تورەشىلەر شەشىمىمەن ۇتىلىپ، ورتا سالماقتا WBC، WBA (Super) جانە IBO بەلبەۋلەرىنەن ايىرىلعان بولاتىن.


باستى سوزدەر: سپورت,
:ءبولىسۋ

اأتور:

novasa

ونلاين قىزمەتكەرلەر
مۇراعات