+7 (701) 759 90 19
-8 °С : نۇر-سۇلتان
-1 °С : الماتى
USD 389.86 EUR 435.32
RUB 6.12 CNY 55.12
جاڭالىقتار

الەمدەگى ەڭ ىقپالدى ادامدار تىزىمىنە پۋتين بيىل دا ەنبەدى

18 ءساۋىر 10:57
:ءبولىسۋ
الەمدەگى ەڭ ىقپالدى ادامدار تىزىمىنە پۋتين بيىل دا ەنبەدى

نۇر-سۇلتان. قازاقپارات - امەريكالىق Time جۋرنالى بيىلعى ەڭ ىقپالدى 100 ادامنىڭ ءتىزىمىن جاريالادى.

تىزىمدە جۋرنال 2019-جىلى الەمگە ىقپالى زور بولادى دەپ تاپقان ساياساتكەرلەر، اكتەرلەر مەن عالىمدار بار.

تىزىمدەگى ادامدارعا ىقپالى بويىنشا ورىن بەرىلمەيدى. ازاماتتار ءوز سالالارى مەن اتقاراتىن جۇمىستارىنا قاراي «پيونەرلەر»، «ارتىستەر»، «كوشباسشىلار»، «بەتكەۇستارلار» مەن «الىپتار» دەپ بەس ساناتقا بولىنگەن.

«كوشباسشىلار» تىزىمىنە ەنگەندەر قاتارىندا ا ق ش پرەزيدەنتى دونالد ترامپ، وكىلدەر پالاتاسىنىڭ سپيكەرى نەنسي پەلوسي، كليمات وزگەرۋىنە نارازىلىق بىلدىرگەن وقۋشىلار ەرەۋىلىن باستاعان شۆەد وقۋشىسى گرەتا تۋنبەرگ بار. بۇل ساناتقا سونداي-اق يتاليا مەن برازيليانىڭ وڭشىل پوپۋليست باسشىلارى ماتتەو سالۆيني مەن جاير بولسونارۋ كىرگەن. «كوشباسشىلار» قاتارىندا يزرايل پرەمەرى بينيامين نەتانياحۋ مەن ريم پاپاسى فرانتسيسك بار.

جۋرنال جاساعان تىزىمدەگى بەس ساناتتىڭ ەشبىرىنە بىردە-ءبىر رەسەي ازاماتى كىرمەگەن. 2014-2017-جىلدارى ىقپالدىلار قاتارىندا رەسەي پرەزيدەنتى ۆلاديمير پۋتين بولعان. ءبىراق پۋتين Time تىزىمىنە بيىل دا ەنگەن جوق.

«بەتكەۇستارلار» ساناتىنا ءانشى تەيلور سۆيفت پەن لەدي گاگا، سونىمەن بىرگە ا ق ش- تىڭ بۇرىنعى ءبىرىنشى حانىمى ميشەل وباما كىرگەن. جۋرنال «الىپتار» قاتارىنا ەگيپەت فۋتبولشىسى مۇحاممەد سالاحتى، باسكەتبوليست لەبرون دجەيمس پەن Facebook جەتەكشىسى مارك تسۋكەربەرگتى جاتقىزعان.

Time جۋرنالىنىڭ الەمدەگى ەڭ ىقپالدى ادامدار ءتىزىمى 2004-جىلدان بەرى جىل سايىن جاريالانىپ كەلەدى. جۋرنال بۇعان قوسا، 1927-جىلدان باستاپ الەم وقيعالارىنا ىقپال ەتكەن تۇلعالارعا «جىل ادامى» اتاعىن بەرۋمەن دە تانىمال. 2018-جىلى «جىل ادامى» بولىپ ەر-ريادتى ءجيى سىنايتىن ساۋد ارابيا جۋرناليسى جامال حاشوگگي تانىلعان. ول 2018-جىلى قازاندا ستامبۋلداعى ساۋد ارابياسى ەلشىلىگىنىڭ اۋماعىندا ءولتىرىلدى. بىرنەشە ەل بۇعان ساۋد ارابياسىنىڭ تاق مۇراگەرىن مۇحاممەد بين سالماندى ايىپتاعانىمەن، ەر-رياد جۋرناليست قازاسىنا قاتىسى جوعىن ايتادى.

«ازاتتىق»


باستى سوزدەر: الةم,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
بەيسەن سۇلتان
بەيسەن سۇلتان
954-049
رەداكتور
كۇنسۇلتان وتارباي
كۇنسۇلتان وتارباي
954-049

مۇراعات