+7 (701) 759 90 19 Лента
16 °С : استانا
21 °С : الماتى
USD 384.05 EUR 432.79
RUB 5.96 CNY 55.46
جاڭالىقتار

الماتىلىق ەرلى- زايىپتى كاسىپكەرلەر ەكونوميكاعا پايدالى جاندىك ءوسىرۋدى قولعا الدى

18 ءساۋىر 10:26 288
:ءبولىسۋ

نۇر-سۇلتان. قازاقپارات - الماتىلىق ەرلى- زايىپتى كاسىپكەرلەر ولجاس پەن ايمەكەن جاندىك وسىرۋمەن اينالىسىپ كەلەدى، دەپ حابارلايدى «حابار 24».

 بۇل قاراپايىم جاندىكتەر ەمەس. ادام مەن ەكونوميكاعا پايدالى بيواگەنتتەر. ءتىپتى كەدەندىك وداقتىڭ تىزىمىنە تىركەپ، رەسەيگە ساتىپ وتىر. «كورشى قىرعىز ەلىنىڭ جىلىجاي ۇستاۋشىلارى دا قىزىعۋشىلىق تانىتۋدا»، -  دەيدى جاس كاسىپكەرلەر.


الماتىلىق ەرلى- زايىپتى كاسىپكەرلەر ەكونوميكاعا پايدالى جاندىك ءوسىرۋدى قولعا الدى

 كوزگە كورىنەر- كورىنبەس جاندىكتەر «اققاناتتىلار» دەپ اتالادى. اتى ادەمى بولعانىمەن، زيانى زور. جىلىجايدا وسەتىن قىزاناق پەن قياردىڭ قاس جاۋى. بۇدان وزگە ورمەكتى كەنە، استىق بيتەسى، تريپس پەن مينيور سەكىلدى زيانكەستەر دە جىلىجايمەن اينالىساتىن فەرمەرلەردىڭ باس اۋرۋىنا اينالعان.

ايمەكەن نىعمەتوۆا، كومپانيا ديرەكتورى:

-  بىرىنشىدەن، ول ءونىمنىڭ ساپاسىن تۇسىرەدى. ەكىنشىدەن، ءونىمنىڭ سانىن ازايتادى. كەيدە ءتىپتى 100 پروتسەنتكە دەيىن ونىمدەرىن جوعالتىپ جاتادى. جىلىجايدا وسى زيانكەستەردىڭ دامۋىنا جاعدايدىڭ بارلىعى جاسالعان. سوندىقتان ولار تەز كوبەيەدى دە ءونىمنىڭ بارلىعىن بۇلدىرەدى. ال تابيعاتتا وسى زيانكەستەرمەن قورەكتەنەتىن جىرتقىش جاندىكتەر بار.

ولاردى عىلىمدا «ەنتوموفاگتار» نەمەسە «بيواگەنتتەر» دەپ اتايدى. ولجاس پەن ايمەكەننىڭ ءوسىرىپ وتىرعاندارى -  سولار. قازىر الەمدە ەكولوگيالىق تازا ونىمگە سۇرانىس كوپ. ونىڭ باعاسى دا قىمبات. سوندىقتان جىلىجاي يەلەرى حيميالىق پەستيتسيدتەردىڭ ورنىنا وسىنداي بيواگەنتتەردى قولدانىپ وتىر.

 ايمەكەن نىعمەتوۆا، كومپانيا ديرەكتورى:

-  مىسالى تابيعاتتاعى قىزىقتى بيواگەنتتىڭ ءبىرى -  وسى پارازيتتىك وسا. وفيديۋس كولەماني، وفيديۋس ماترەكاريە ءبىزدىڭ قازاقستاندا دا كەزدەسەدى. ولار ءوزىنىڭ جۇمىرتقاسىن سالىپ قويادى. تليانىڭ دەنەسىنە. ءسويتىپ زيانكەستىڭ ىشىنەن كوبەيە باستايدى. جاڭاعى زيانكەس مۋمياعا اينالادى دا، سوسىن 1-2 اپتادان كەيىن جاڭا پارازيتتى وسا شىعادى.

جاس جۇبايلار -  «بولاشاق» باعدارلاماسىنىڭ تۇلەكتەرى. ايمەكەن وسىمدىكتەردى قورعاۋ ماماندىعىن، ال ولجاس كيبەرنەتيكانى وقىعان.

 ولجاس مانەل، كومپانيانىڭ ينجەنەر- تەحنولوگى:

-  بيواگەنتتەر -  كىشكەنتاي عانا جاندىكتەر. ولاردى تاپسىرىس بەرۋشىلەرگە جەتكىزۋ -  قيىن شارۋا. وسى ماسەلەنى زەرتتەي كەلە، بيواگەنتتەردى سانايتىن جانە ولاردى جينايتىن جاڭا اپپارات ويلاپ تاپتىق. جاقىن كۇندەرى وسى اپپاراتقا پاتەنت الامىز.

بيوفابريكا دۇنيەجۇزىلىك بانكتىڭ گرانتىنا سالىنعان. جوبانىڭ قۇنى -  شامامەن 200 ميلليون تەڭگە. ەرلى- زايىپتى كاسىپكەرلەر الداعى ۋاقىتتا پايدالى جاندىكتەردىڭ قاتارىن كوبەيتىپ، ەكسپورت كولەمىن ۇلعايتۋدى جوسپارلاپ وتىر.

 اۆتورلارى: ۇلان نارىنبەك، ەرلان ءابجانوۆ

www.24.kz


باستى سوزدەر: قوعام,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
مۇراعات