+7 (701) 759 90 19 Лента
10 °С : استانا
17 °С : الماتى
USD 383.43 EUR 429.83
RUB 5.96 CNY 55.39
جاڭالىقتار

كوكپاردان ازيا چەمپيوناتى: قازاقستان قۇراماسى قارسىلاسىن ويسىراتا جەڭدى

18 ءساۋىر 08:40 354
:ءبولىسۋ
كوكپاردان ازيا چەمپيوناتى: قازاقستان قۇراماسى قارسىلاسىن ويسىراتا جەڭدى

الماتى. قازاقپارات - ۇلتتىق ات سپورتىنان ءوتىپ جاتقان 1- ازيا چەمپيوناتىندا قازاقستاندىق كوكپارشىلار قارسىلاستارىن 10:3 ەسەبىمەن جەڭدى، دەپ حابارلايدى قازاقپارات ءتىلشىسى.

ق ر ۇلتتىق سپورت قاۋىمداستىعى ءمالىم ەتكەندەي، جارىستىڭ ەكىنشى كۇنى العاشقى بولىپ كوكپار دوداسىن قىتاي مەن موڭعوليا كوماندالارى باستادى. بۇل ەكى كوماندا دا كەشە قارسىلاس شاق كەلتىرمەي جەڭىمپاز اتانعان ەدى.

الايدا، بۇگىن موڭعوليا كومانداسى اسپان استىنان كەلگەن كوكپارشىلاردى 5:3 ەسەبىمەن ۇتىپ، جارىستى ارى قاراي جالعاستىرۋعا مۇمكىندىك الدى.

ال، بۇگىنگى كۇنگە بەلگىلەنگەن تاجىكستان مەن رەسەي كوماندالارى اراسىنداعى ويىن وتپەي قالدى. وعان سەبەپ، تاجىكستان كومانداسىنداعى سپورتشىلاردىڭ جاس ەرەكشەلىگى ەرەجەگە ساي كەلمەگەندىكتەن جارىس الاڭىنا جىبەرىلگەن جوق. سول سەبەپتى رەسەي قۇراماسى سايىسقا تۇسپەي-اق، جەڭىمپازدار قاتارىنان كورىندى.

كوكپارشىلار سايىسىنىڭ بۇگىنگى قورىتىندىسىن قازاقستان مەن اۋعانستان ويىنشىلارى تۇيىندەدى. جانكۇيەرلەر بۇل ويىندى اسىعا كۇتكەنى انىق ەدى.

«ب» توبىندا جۇپسىز بولعاندىقتان، كەشەگى كۇنى ويىننان تىس بولعان اۋعانستاندىقتار چەمپيوناتتاعى ويىنىن بۇگىن عانا باستاعان بولاتىن. اۋعانستان كوكپارشىلارىنىڭ العاشقى كەزدەگى ويىندارى ءساتتى باستالىپ، ەكىنشى ءنومىرلى ويىنشى پاحلاۆان سەفاتتۋللا مەن جەتىنشى ءنومىرلى ويىنشى كاريمي ماسۋد كەزدەسۋدىڭ سەگىزىنشى، توعىزىنشى مينۋتتارىندا ەدەل-جەدەل ەكى سالىم سالىپ، باپكەرلەرىنىڭ كوڭىلىن ءبىر كوتەرىپ تاستادى. ءتىپتى، ويىننىڭ ءبىرىنشى كەزەڭىندەگى ەسەپ - 4:2 بولدى. ءبىراق، سودان كەيىنگى ۋاقىتتاردا ولاردىڭ ەكپىندەرىن جەرلەستەرىمىز سۋ سەپكەندەي باستى.

ءبىزدىڭ جاس كوكپارشىلار ەكىنشى كەزەڭدە قارسىلاستارىنا جالعىز سالىم سالۋعا عانا مۇمكىندىك بەردى. ءسويتىپ، بۇل كەزدەسۋ 10:3 ەسەبىمەن قازاقستاندىق جاس كوكپارشىلاردىڭ ايقىن باسىمدىلىعىمەن اياقتالدى.

جاستار جىلىنا وراي ۇيىمداستىرىلىپ جاتقان بىرىنشىلىكتىڭ جالپى جۇلدە قورى 16 ميلليون تەڭگەنى قۇرايدى. چەمپيوناتتى الماتى وبلىسى اكىمدىگىنىڭ قولداۋىمەن ق ر ۇلتتىق سپورت قاۋىمداستىعى ۇيىمداستىرىپ جاتىر. اتالعان دوداعا ازيانىڭ 10 ەلىنەن سپورتشىلار قاتىسۋدا. ولار كوكپار، اۋدارىسپاق، تەڭگە ءىلۋ جانە جامبى اتۋ سپورتىنان باق سىنايدى. جارىس 21- ءساۋىر كۇنى ءوز مارەسىنە جەتەدى.

اۆتور: كۇنسۇلتان وتارباي


باستى سوزدەر: سپورت,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
كۇنسۇلتان وتارباي
كۇنسۇلتان وتارباي
954-049
مۇراعات