+7 (701) 759 90 19
-4 °С : نۇر-سۇلتان
3 °С : الماتى
USD 389.98 EUR 434.01
RUB 6.10 CNY 55.04
جاڭالىقتار

ەلباسىنىڭ جاستارعا ايتقان اقىل- كەڭەستەرى

18 ءساۋىر 02:06
:ءبولىسۋ
ەلباسىنىڭ جاستارعا ايتقان اقىل- كەڭەستەرى

استانا. قازاقپارات - ەلباسىنىڭ باستاماسىمەن 2019 - جىل جاستار جىلى دەپ جاريالاندى. سالتاناتتى اشىلۋ سالتاناتى وتكەن اقپان ايىنان بەرى جاستاردى قولداۋ ماقساتىندا ءتۇرلى باعدارلامالار قابىلدانىپ، ءىس- شارالار ۇيىمداستىرىلۋدا.

وسىعان سايكەس، بۇگىن نازارلارىڭىزعا قازاقستاننىڭ تۇڭعىش پرەزيدەنتى نۇرسۇلتان ءابىش ۇلى نازاربايەۆتىڭ جاستارعا ايتقان اقىل- كەڭەستەرىنەن توپتاما ۇسىنباقپىز.

◘ جاس قازاقستاندىقتارعا ايتارىم: تاۋەلسىز قازاقستانىمىزدى، ورتاق وتانىمىزدى، ماڭگىلىك ەلىمىزدى ساقتاي بىلىڭىزدەر. بۇل - ءبىزدىڭ حالقىمىز، ءبىزدىڭ ۇلى بابالارىمىزدىڭ جەرى. وتانىمىز دا، جەرىمىز دە ءبىر. حالقىمىزدىڭ دوستىعى مەن بىرلىگىن، ءبىر- بىرىمىزگە دەگەن سەنىمدى ساقتاپ، ەلىمىزدەگى ءاربىر ازاماتتىڭ ءتول مادەنيەتى مەن ءداستۇرىن قۇرمەتتەي بىلىڭىزدەر!

◘ ەركىن ەلدە وسكەن ۇرپاقتىڭ رۋحى ءاردايىم بيىك بولۋى ءتيىس. جاستارى جالىن جۇرەكتى، ءورشىل نامىستى، بيىك رۋحتى بولسا - ول ەلدىڭ ەڭسەسى دە بيىك بولادى. ءورشىل، نامىسشىل جاس وتانشىل، پاتريوت كەلەدى، حالقىنا، ءوز ۇلتىنا ادال قىزمەت ەتۋگە ۇمتىلادى.

◘ قازىر جاسسىڭدار، ءومىر شەكسىز بولىپ كورىنەدى. قازاق ايتادى عوي، "عۇمىرىڭ قامشىنىڭ سابىنداي عانا" دەپ. مەنىڭ جاسىما كەلگەندە بىلەسىڭدەر. بۇل ءومىر زۋ ەتىپ ءوتىپ كەتەدى.

◘ باسقاعا ۋاقىتىڭ جەتپەيدى. ءبارىمىز قارتايعان كەزدە، بىزگە دە قامقورلىق كەرەك بولادى. سوندىقتان ەلىمىزدىڭ جارتى ميلليونعا جۋىق ستۋدەنت جاسى ۇكىمەتتىك ەمەس ۇيىمدارمەن بىرگە مۇقتاج جاندارعا ەلەۋلى كومەك كورسەتە الادى. ۇيلەرىندە جالعىز وتىراتىن، ەشكىمى جوق قاريالار بار. سولاردىڭ ءتىزىمىن الىپ، اندا- ساندا ءبىر بارىپ "قالىڭ قالاي، اتا؟ " دەپ باتاسىن الساڭ، بارىمىزگە جاقسى ەمەس پە؟ !

◘ جاستارعا ايتاتىن ءبىر ءسوزىم بار. قازىرگى ءوسىپ كەلە جاتقان جاستار - دۇنيەجۇزىنىڭ بارلىق جەرىندە جۇمىس ىستەيتىن بولادى. سولاي عوي!؟ بۇگىن قازاقتىڭ بارمايتىن جەرى بار ما؟ باسقا ەلگە بارعاندا، ماسەلەن افريكاعا بارعاندا "مەن قازاقپىن! تابىنىڭدار ماعان" دەپ ءوزىڭنىڭ زاڭىڭدى ورناتاسىڭ با؟ قازىرگى جاستارىمىز - دۇنيەجۇزىنىڭ ازاماتى بولدى. جاس كەزدەن ءار ادامنىڭ قۇقىعىن ساقتاۋعا، ءار ادامدى تۇسىنۋگە، ولاردى تىڭداۋعا ۇيرەنۋ كەرەك. سوندا ءبىزدى سىيلايتىن بولادى.

◘ سىزدەر - ەلدىڭ بولاشاعىسىزدار. سىزدەر مەن ءبىزدىڭ ۇلى ماقساتىمىز بار. ارماندار ۇمتىلعان كەزدە عانا ورىندالادى. قازاقستان XXI عاسىردا قۋاتتى ءارى وزدەرىڭمەن بىرگە وركەندەيتىن ەل بولۋى ءۇشىن سىزدەردىڭ كۇش- جىگەرلەرىڭىز، ىنتىماقتارىڭىز، تاباندىلىقتارىڭىز بەن تالانتتارىڭىز جەتكىلىكتى ەكەنىنە سەنەمىن.

◘ XXI عاسىردى ءبىز جاھاندىق سىن- قاتەرلەر ءداۋىرى عانا ەمەس، جاس، قۋاتتى جانە تالانتتى ادامداردىڭ ءداۋىرى دەپ تە اتايمىز. قازاقستاندا بۇگىندە ءاربىر ءتورتىنشى ازامات - جاس ۇرپاقتىڭ وكىلى. مەنى سىزدەردىڭ بىلىمدەرىڭىز، شەتەل تىلدەرىن يگەرگەندەرىڭىز، يننوۆاتسياعا اشىق بولۋعا تالپىنىستارىڭىز قۋانتادى. ارالارىڭىزدا اقىلى مەن ءبىلىمى قازىردىڭ وزىندە وتانىمىزعا پايداسىن تيگىزىپ جاتقان جاستار از ەمەس. الەم جۇرتى كوپ ۇزاماي جاڭا قازاقستاندىق عالىمدار، دارىگەرلەر، ينجەنەرلەر، مۋزىكانتتار مەن سپورتشىلار تۋرالى ەستىپ- بىلەتىنىنە سەنىمدىمىن.

◘ ومىردەگى ەڭ باستى نارسە - ءبىلىم، جوعارى كاسىبيلىك جانە ءوز وتانىڭا ادالدىق، مەن سىزدەردى وسىنى ەستە ۇستاۋعا شاقىرامىن. سىزدەردە زور كۇش- قۋات پەن شىعارماشىلىق الەۋەت بار. وسىنىڭ ءبارىن ومىرلەرىڭىزدەگى ەڭ باستى ماقساتقا جەتۋگە باعىتتاڭىزدار.

◘ ءبىزدىڭ اتا- بابامىزدان قالعان سالتىمىز بار. كىشىلەر ۇلكەندى سىيلايدى، ەرلەر ايەلدى سىيلايدى. باتىسقا ىلەسەمىز، دەموكرات بولامىز دەپ مۇنىڭ بارلىعىن ۇمىتۋىمىزعا بولمايدى. مەن قارتتار ۇيىنە بارعاندا قابىرعام قايىسادى. قازاقتا مۇنداي بالە بولعان جوق. اكەسىن، قارتايعان شەشەسىن ۇيىندە ۇستايتىن. كىشى بالاسىن وتاۋ يەسى دەپ ايتقان. قازاقتا بالاسىن جەتىمدەر ۇيىنە بەرۋ بولعان جوق. مۇنداي جەتىمدەر ءۇيى قازاقستاندا بولماۋى كەرەك. جەتىم بالار ۇيىندەگى بالالاردى اسىراپ الۋ قاجەت. قازاقستاندا جالعىزباستى قانشاما قارتتار بار. ولار دۇكەنگە بارىپ كەلە المايدى. سولاردىڭ ءحالىن ءبىلىپ، باتاسىن الىپ تۇرىڭدار.

◘ بىزدەن ۇلگى الۋدا - تۇراقتى بولۋدى، كوپ ەتنوستىق مەملەكەتتە بىرگە تۇرۋدى ۇلگى ەتۋدە. وسى قاعيدانى ۇستانايىق. سوندا عانا ءبىز مىقتى بولىپ، سىن- قاتەردىڭ بارىنە توتەپ بەرەمىز. سوندا عانا ءبىز وركەندەيتىن بولامىز.

Massaget.kz


باستى سوزدەر: بيلئك جانة ساياسات,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات