+7 (701) 759 90 19
7 °С : نۇر-سۇلتان
6 °С : الماتى
USD 389.62 EUR 429.98
RUB 6.06 CNY 55.08
جاڭالىقتار

داريعا نازاربايەۆا ەۋروپا جانە امەريكا ىستەرى جونىندەگى بريتاندىق مينيسترمەن كەزدەستى

17 ءساۋىر 18:07
:ءبولىسۋ
داريعا نازاربايەۆا ەۋروپا جانە امەريكا ىستەرى جونىندەگى بريتاندىق مينيسترمەن كەزدەستى

نۇر- سۇلتان. قازاقپارات - پارلامەنت سەناتىنىڭ ءتوراعاسى داريعا نازاربايەۆا ۇلى بريتانيا سىرتقى ىستەر مينيسترلىگىنىڭ ەۋروپا جانە امەريكا ىستەرى جونىندەگى مەملەكەتتىك ءمينيسترى، قاۋىمدار پالاتاسىنىڭ دەپۋتاتى الان دانكانمەن كەزدەستى، دەپ حابارلايدى قازاقپارات.

ا. دانكان د. نازاربايەۆاعا ۇلىبريتانيا پارلامەنتى لوردتار پالاتاسىنىڭ لورد- سپيكەرى سەر پيتەر نورمان فوۋلەردىڭ قازاقستان پارلامەنتى سەناتىنىڭ ءتوراعاسى قىزمەتىنە سايلانۋىنا بايلانىستى قۇتتىقتاۋى مەن ىزگى تىلەكتەرىن جەتكىزدى. لورد- سپيكەردىڭ جولداۋىندا ەكى ەلدىڭ زاڭ شىعارۋ ورگاندارىنىڭ جوعارعى پالاتالارى اراسىنداعى بايلانىستاردىڭ ودان ءارى نىعايۋىنا سەنىم ءبىلدىرىلدى.

سونىمەن قاتار، بريتاندىق مينيستر قازاقستانداعى ساياسي ۇدەرىستەر مەن جاڭارۋلارعا لوندون تاراپى باسا نازار اۋدارىپ وتىرعانىن اتاپ ءوتتى.

ءوز كەزەگىندە د. نازاربايەۆا مەيماندى قازاقستاندا بولىپ جاتقان ساياسي ۇدەرىستەر تۋرالى حاباردار ەتتى. ونىڭ ايتۋىنشا، 9 - ماۋسىمدا وتەتىن كەزەكتەن تىس پرەزيدەنتتىك سايلاۋ ەلىمىزدىڭ ساياسي جۇيەسىن دامىتۋ جولىنداعى ماڭىزدى قادام بولماق.

سەنات ءتوراعاسى ەلدەگى ساياسي جۇيەنىڭ جاڭعىرۋىندا، ەكونوميكالىق جانە الەۋمەتتىك رەفورمالاردا ساباقتاستىق باعىتىنىڭ قامتاماسىز ەتىلەتىنىنە سەنىم ءبىلدىردى. «ەلباسىنىڭ ۇزاق مەرزىمدى ستراتەگياسى ءبىزدىڭ سىرتقى جانە ىشكى ساياساتىمىزدىڭ باستى نەگىزى بولىپ قالا بەرەدى» ، - دەپ اتاپ ءوتتى د. نازاربايەۆا.

اتاپ ايتقاندا، كەزدەسۋ كەزىندە ەكىجاقتى قارىم- قاتىناستاردىڭ جاي- كۇيى مەن كەلەشەگى تالقىلادى. سەنات سپيكەرى قازاقستاننىڭ ەۋروپاداعى ماڭىزدى ستراتەگيالىق ارىپتەسى بولىپ تابىلاتىن بىرىككەن كورولدىكپەن قارىم- قاتىناسىنىڭ دوستىق جانە سەنىمدى سيپاتىن اتاپ ءوتتى.

ا. دانكان ءوز كەزەگىندە ساياسي، ەكونوميكالىق، قارجىلىق، ينۆەستيتسيالىق، مادەني- گۋمانيتارلىق سالالارداعى ىنتىماقتاستىقتى نىعايتۋدىڭ اۋقىمدى كەلەشەگىنە توقتالا كەلىپ، قازاقستاندى ورتالىق ازياداعى نەگىزگى مەملەكەت رەتىندە اتاپ ءوتتى.

اڭگىمە بارىسىندا پارلامەنتارالىق بايلانىستاردى دامىتۋعا نازار اۋدارىلدى. د. نازاربايەۆا قازاقستان مەن ۇلى بريتانيانىڭ زاڭ شىعارۋ ورگاندارىندا جۇمىس ىستەيتىن دوستىق توپتارىنىڭ جۇمىسىنا جوعارى باعا بەرىپ، ەكى ەل پارلامەنتشىلەرىنىڭ جۇيەلى بايلانىسىن اتاپ ءوتتى.

«قازاقستان سەناتىنىڭ باسشىسى بىرىككەن كورولدىك پارلامەنتىنىڭ وكىلدى دەلەگاتسياسىنىڭ 2019 -جىلى قىركۇيەكتە «ۇلكەن ەۋرازيا: ءۇنقاتىسۋ. سەنىم. ارىپتەستىك» تاقىرىبىمەن نۇر- سۇلتاندا وتەتىن ەۋرازيا ەلدەرى پارلامەنتتەرى ءتوراعالارىنىڭ 4- كەڭەسىنە قاتىساتىنىنا سەنىم ءبىلدىردى» ، - دەلىنگەن ق ر پارلامەنتى سەناتى باسپا ءسوز قىزمەتىنىڭ مالىمەتىندە.


باستى سوزدەر: بيلئك جانة ساياسات,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات