شەتەلدىكتەردى قازاقستانداعى قانداي نىساندار قىزىقتىرادى
بۇل كورمە الماتىدا 19- رەت ۇيىمداستىرىلىپ وتىر. وعان الەمنىڭ 25 ەلىنەن 350 تۋريستىك كومپانيا قاتىسۋدا.
قالالىق تۋريزم باسقارماسىنىڭ باسشىسى ماقسات قيقىموۆ حابارلاعانداي، بىلتىر الماتىعا 1 ميلليوننان استام تۋريست كەلگەن. ونىڭ 365 ى - ەۋروپا، ا ق ش، رەسەي ساياحاتشىلارى.
«بۇل كورسەتكىش ەكسپو مەن ۋنيۆەرسيادا وتكەنىنە قاراماستان، 2017 -جىلعى دەرەكتەرمەن سالىستىرعاندا %3,2 عا ارتىق. الماتىنىڭ تۋريستىك تارتىمدىلىعىن ارتتىرۋ ءۇشىن كوپ ءىس جاسالىپ جاتىر. اسىرەسە، حالىقارالىق تۋريزم تۋرالى سايتتاردا ءجيى جاريالانىپ جاتىر. شەتەلدىك تۋريستەردىڭ كوپشىلىگى الماتىنى وسىنداي سايتتار ارقىلى تانۋدا. ستاتيستيكاعا سەنسەك، تۋريستەردىڭ %37 ى الماتى تۋرالى اقپاراتپەن حالىقارالىق سايتتاردا تانىسقان. %8 ى ۇزىنقۇلاقتان ەستىپ نەمەسە الەۋمەتتىك جەلى ارقىلى ءبىلىپ كەلگەن. قازاقستانعا ەۋروپالىق تۋريستەر كوپ كەلەدى» ، - دەيدى ماقسات قيقىموۆ.
شەتەلدىك تۋريستەر كوبىنەسە كوشپەلى مادەنيەتتى تانۋ ءۇشىن ءارى تاۋلى ايماقتا دەمالۋ ءۇشىن كەلەدى.
«الماتىدا بۇل جاعىنان بارلىق جاعداي جاسالعان. اۋەجايدان قالانىڭ ورتاسىنا 20 مينۋتتا جەتەدى. قالانىڭ ورتالىعىنان تاۋعا جەتكەنشە 20 مينۋت ۋاقىت كەتەدى. ىشكى تۋريزم %17 عا ارتقان. سوندىقتان، قالا بيلىگى تاۋ كلاستەرىن دامىتۋعا مۇددەلى. الماتىدا بارلىق شاڭعى جولدارىنىڭ ۇزىندىعىن قوسساق، 46 اق شاقىرىم بولادى ەكەن. ءبىز بۇل كورسەتكىشتى كەم دەگەندە 456 شاقىرىمعا جەتكىزسەك دەپ ويلايمىز. قالادا 2,5 مىڭ مەيرامحانا، 128 ساۋدا ءۇيى، 50 بازار، 19 مۋزەي، 20 تەاتر بار. شەتەلدىك تۋريستەردى كوبىنەسە ەكوتۋريزم قاتتى قىزىقتىرادى» ، - دەدى ول.
KITF 2019 كورمەسى اياسىندا 1200 مەموراندۋمعا قول قويۋ جوسپارلانعان. ولاردىڭ كوپشىلىگى قازاقستاندىق تۋريستىك ۇيىمداردىڭ اراسىندا ىشكى ءتۋريزمدى دامىتۋ باعىتىندا بولماق. سونىمەن قاتار، تۋريزم سالاسىن سيفرلاندىرۋ، مەديتسينالىق تۋريزم تاقىرىبىندا سەمينارلار جوسپارلانعان.
كورمە 19 - ساۋىرگە دەيىن جالعاسادى.
