+7 (701) 759 90 19 Лента
7 °С : استانا
16 °С : الماتى
USD 379.36 EUR 424.47
RUB 5.88 CNY 54.95
جاڭالىقتار

ءسابينا التىنبەكوۆا ءوزى تۋرالى: ۇل بالا سياقتى بولدىم، ءبارى مەنەن قورقاتىن

17 ءساۋىر 16:08 361
:ءبولىسۋ
ءسابينا التىنبەكوۆا ءوزى تۋرالى: ۇل بالا سياقتى بولدىم، ءبارى مەنەن قورقاتىن

  نۇر - سۇلتان. قازاقپارات - ازيا چەمپيوناتىنىڭ حاس سۇلۋى اتانعان سابينا التىنبەكوۆا بەيبىت الىبەكوۆكە بەرگەن سۇحباتىندا بالا كۇنىندەگى ەستەلىكتەرىمەن ءبولىسىپ، بولاشاق جارىنا قوياتىن تالاپتارىن ايتتى.

 «ادامداردان الشاقتاپ، وزىممەن ءوزىم وڭاشا قالىپ، ويىمدى جيناقتاعىم كەلگەن كەزدەر بولدى. سوندىقتان مەن ەشكىمگە سۇحبات بەرگىم كەلمەدى»، - دەيدى سپورتشى.

اقتوبەلىكتەردىڭ ەرەكشەلىكتەرىن ايتىپ وتكەن سابينا بالالىق شاعىن دا ەسىنە ءتۇسىردى. كىشكەنتاي كەزىندە ۋاقىتىنىڭ كوپتىگىنەن مەكتەپتەگى ۆولەيبول ۇيىرمەسىنە جازىلعان ەكەن. ال كاسىبي تۇردە سپورتپەن اينالىسقىسى كەلگەندە اتا- اناسىنىڭ قارسىلىق تانىتقانىن دا جاسىرمادى.

 "مەكتەپ كەزىندە ۇل بالا سياقتى بولاتىنمىن. مەنەن كوبى قورقاتىن. سوندىقتان مەنى ەشكىم مازاقتامايتىن. ءتىپتى بالا كۇنىمدە شولدەگەننەن ءبىر ستاقان ىشىمدىكتى سۋ ەكەن دەپ بايقاۋسىزدا ءىشىپ العانمىن.

سپورت ءۇشىن مەكتەپتەگى سوڭعى قوڭىراۋعا بارماعانىما دا وكىنبەيمىن. قازىرگى تاڭدا ۆولەيبولدىڭ ارقاسىندا مەنىڭ مۇمكىندىگىم وتە كوپ. سول كەزدەرى كىشكەنە مۇڭايعان ەدىم. جيىنداردا بولىپ، جاتتىعۋ جاساپ، شىدامدىلىق تانىتىپ ءجۇردىم»، - دەيدى سابينا.

اناسى مەن سابينانىڭ قارىم- قاتىناسى وزگەشە. سپورتشىنىڭ ايتۋىنشا، ولار قۇربى سەكىلدى. سۇلۋ بويجەتكەن اناسىنا كەز كەلگەن قۇپياسىن ءبولىسىپ، اڭگىمەدەن كەيىن جىگەرلەنىپ تە قالاتىنىن ايتادى.

ادامداردىڭ ماحابباتىنا بولەنىپ، سۇلۋلىعىمەن ءتانتى ەتىپ جۇرگەن ارۋ جىگىتتەردەن ۇسىنىس كوپ تۇسەتىنىن ايتتى.

 «قازىرگى تاڭدا جىگىتىم جوق. بۇل تۇرعىدان كەلگەندە وتە قاتالمىن. ءار نارسەگە ءمان بەرەمىن. جانىما تانىس ەمەس ادامداردى جاقىنداتقىم كەلمەيدى. ۋاقىتىمدى پايداسىز اڭگىمەگە قۇرتقاندى ۇناتپايمىن. جىگىتتىڭ سىرتقى كەلبەتىنە ءمان بەرمەيمىن. وداندا اقىلدى، مىنەزدى بولعانى دۇرىس»، - دەپ تالاپتارىن ءبولىستى.

«اقتوبەنىڭ قاراپايىم قىزى جارىسقا كەلىپ، سپورتقا قاتىسى جوق اتاقتى الىپ كەتكەنىنە تاڭقالدىم. جاتتاقتىرۋشى مۇنى كومانداعا كەدەرگى كەلتىرەدى دەپ ايتتى. سپورتتا قىزدارمەن جۇمىس جاساعان وتە قيىن. ويىننان كەيىن ءبىر قىز كەلىپ (ول ءبىزدىڭ گيدىمىز بولاتىن) قىتايدىڭ سايتىن كورسەتتى. مەن جارايدى دەپ قاتتى قابىلداماعان ەدىم. ەكىنشى كۇنگى ويىندا ستاديون لىق تولى بولدى. جانكۇيەرلەر قازقاستاننىڭ تۋىن تاۋىپ، ماعان قولداۋ كورسەتۋگە كەلدى. ءبىز وزدەرىنىڭ كومانداسىنا قارسى ويىن كورسەتىپ جاتساق تا، قازاقستانعا جانكۇيەر بولعاندارى مەنى قاتتى قۋانتتى. بۇل اياقاستىنان بولدى. اتا- انام سپورتتاعى جەتىستىگىمەن تانىمال بولادى دەپ ويلادى. ءبىراق بۇلاي بولماي شىقتى»، - دەپ ويلاماعان جەردە اتاقتى بولىپ كەتكەنىن دە ەسىنە الدى سپورتشى.


باستى سوزدەر: سپورت,
:ءبولىسۋ

اأتور:

novasa

ونلاين قىزمەتكەرلەر
رەداكتور
بەيسەن سۇلتان
بەيسەن سۇلتان
954-049
مۇراعات