+7 (701) 759 90 19 Лента
6 °С : استانا
17 °С : الماتى
USD 378.90 EUR 422.74
RUB 5.87 CNY 54.80
جاڭالىقتار

وسكەمەندەگى حايۋاناتتار باعىنان مارال مەن بۇعىلار ەركىندىككە جىبەرىلدى

17 ءساۋىر 14:04 447
:ءبولىسۋ

نۇر-سۇلتان. قازاقپارات- وسكەمەندەگى حايۋاناتتار باعىنان 4 باس مارال مەن 4 بۇعى ەركىندىككە جىبەرىلدى، دەپ حابارلايدى «حابار 24».


وسكەمەندەگى حايۋاناتتار باعىنان مارال مەن بۇعىلار ەركىندىككە جىبەرىلدى

 باقتاعى تۇياقتىلار سانى كوبەيىپ، 20 دان اسقاندىقتان ولاردىڭ ءبىراز بولىگىن ەن دالاعا ەركىندىككە جىبەرۋ كەرەك دەپ شەشتىك، دەيدى تابيعات جاناشىرلارى. توردىڭ ىشىندەگى مارالداردى كولىككە كىرگىزۋ دە وڭاي بولمادى. 5-6 ازامات جابىلىپ ارەڭ ەڭسەردى.

مۇيىزدىلەر ءسىبى كولدەرى ماڭىنداعى بايشا شاتقالىنا جىبەرىلدى. اتالعان اۋماقتا جانۋارلارعا تونەتىن قاۋىپ جوق. «كەرىسىنشە تابيعي جاعدايدا ءوسىپ ونۋىنە ۇلكەن مۇمكىندىك بار»، -  دەيدى ماماندار. ويتكەنى توردا تۇرعان تۇياقتىلار ءبىر- ءبىرىن مۇيىزدەپ، ءولتىرىپ جىبەرۋگە دەيىن بارادى ەكەن.

 زاينيددين شامشيەۆ، وسكەمەن قالالىق حايۋاناتتار باعىنىڭ ءبولىم مەڭگەرۋشىسى:

 -  وتە قاتتى جارالايدى، ءولتىرىپ تە تاستاۋى مۇمكىن. بۇلار وتە قاتتى كۇش سىناسادى. مارالدار مەن بۇعىلاردى تابيعاتقا قايتارۋدى شەشتىك.

ۆاسيلي تكاچەنكو، «وبلىستىق ورمان جانە اڭ شارۋاشىلىعى» م م باسشىسىنىڭ ورىنباسارى:

 -  بۇل اۋماق بارلىق جاعىنان قورشالعان، تەك ءبىر عانا جولمەن وتۋگە بولادى. ارنايى قورعالاتىن قورىق، سوندىقتان بوتەن ەشكىم جۇرمەيدى، اڭشىلىققا مۇلدەم تىيىم سالىنعان.

www.24.kz


باستى سوزدەر: ايماق,
:ءبولىسۋ

اأتور:

novasa

ونلاين قىزمەتكەرلەر
مۇراعات