+7 (701) 759 90 19
1 °С : نۇر-سۇلتان
7 °С : الماتى
USD 388.70 EUR 428.70
RUB 6.08 CNY 55.46
جاڭالىقتار

كوكپاردان ازيا چەمپيوناتىندا قىتاي قۇراماسى مونعوليادان جەڭىلىپ قالدى

17 ءساۋىر 12:31
:ءبولىسۋ
كوكپاردان ازيا چەمپيوناتىندا قىتاي قۇراماسى مونعوليادان جەڭىلىپ قالدى

نۇر-سۇلتان. قازاقپارات - الماتى قالاسى ىرگەسىندەگى يپپودرومدا جاستار اراسىنداعى 1- ازيا چەمپيوناتىنىڭ ەكىنشى كۇنى قىتايدان كەلگەن كوكپارشىلار مونعوليا قۇراماسىنان جەڭىلىپ قالدى، دەپ حابارلايدى قازاقپارات ءتىلشىسى.

بۇل ەكى كوماندا دا كەشەگى كۇنگى كەزدەسۋلەرىن جەڭىسپەن اياقتاعان بولاتىن.

جانكۇيەر جادىنا سالىپ وتەلىك، كەشە مونعوليالىقتار تاجىكستان كومانداسىن 2:0 ەسەبىمەن جەڭسە، قىتاي كومانداسى رەسەيلىك قارسىلاستارىن 10:1 ەسەبىمەن ۇتقان بولاتىن.

بۇگىن وسى قوس جەڭىمپاز كوماندا اراسىنداعى باسەكە ءتىپتى تارتىستى ءوتتى. العاشقى كەزەڭدە موڭعوليا كومانداسىنىڭ باس شابۋىلشىسى اسقار ازامات پەن قاجىنابي ناۋرىزحان قاتارىنان بىرنەشە سالىم سالىپ، كوماندالاستارىن العا سۇيرەپ شىقتى. ءسويتىپ، ءبىرىنشى كەزەڭ 4:0 ەسەبىمەن اياقتالدى. ەكىنشى كەزەڭ باستالىسىمەن قاجىنابي ناۋرىزحان تاعى ءبىر سالىم سالدى.

ءبىراق، سودان كەيىن- اق، موڭعوليالىقتاردىڭ ەكپىنى باسەڭدەي باستادى. ەسەسىنە، قىتاي كوكپارشىلارى ويىن سوڭىنا دەيىن شابۋىلدى ۇدەتتى. ناتيجەسىندە، دۋمان جۇماباي ۇلى، ورالتاي وراز ۇلى، اقجول ءادىلحان ۇلى ءبىر-ءبىر سالىمنان سالىپ ۇلگەردى. سونىمەن، مونعوليا كومانداسى مەن قىتاي كوماندالارى اراسىنداعى كەزدەسۋ 5:3 ەسەبىمەن اياقتالدى.

قازىرگى كەزدە جانكۇيەرلەر تاجىكستان مەن رەسەي كوماندالارىنىڭ اراسىنداعى باسەكەنى تاماشالاۋدا.

اۆتور: كۇنسۇلتان وتارباي


باستى سوزدەر: سپورت,
:ءبولىسۋ

اأتور:

novasa

پئكئر قالدئرؤ
+7
جئبةرؤ
ونلاين قىزمەتكەرلەر
رەداكتور
باقىتجول كاكەش
باقىتجول كاكەش
954-049
رەداكتور
ريزابەك نۇسىپبەك
ريزابەك نۇسىپبەك
954-049
رەداكتور
بەيسەن سۇلتان
بەيسەن سۇلتان
954-049

مۇراعات