+7 (701) 759 90 19 Лента
-1 °С : استانا
15 °С : الماتى
USD 379.29 EUR 426.40
RUB 5.93 CNY 56.58
جاڭالىقتار

زەينەتاقى قۇجاتتارىن راسىمدەۋدە وزگەرىستەر بولادى

17 ءساۋىر 13:43 128
:ءبولىسۋ
زەينەتاقى قۇجاتتارىن راسىمدەۋدە وزگەرىستەر بولادى

 نۇر-سۇلتان. قازاقپارات - «ءبىر تەرەزە» قاعيداتىنىڭ ورنىنا «ءبىر ءوتىنىش» قاعيداتى نەمەسە قىزمەتتەر كورسەتۋدىڭ كومپوزيتتىك ءتاسىلى ەنگىزىلەدى.

بۇل تۋرالى پارلامەنت ءماجىلىسىنىڭ جالپى وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە مەملەكەتتىك قىزمەتتەر كورسەتۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن تالقىلاۋ كەزىندە ءمالىم بولدى، دەپ حابارلايدى قازاقپارات ءتىلشىسى.

ءماجىلىس دەپۋتاتى مايرا ايسينانىڭ ايتۋىنشا، كومپوزيت ناقتى ومىرلىك جاعداي تۋىنداعان كەزدە ادامنىڭ ءبىر ءوتىنىش ارقىلى بىرنەشە ءوزارا بايلانىستى قىزمەتتەردى الۋىنا مۇمكىندىك بەرەدى.

«مىسالى، بۇرىن ازامات زەينەتاقى تولەمدەرىن الۋعا ارنالعان ەكى ءتۇرلى ءوتىنىشتى، ياعني بازالىق زەينەتاقى بويىنشا جەكە جانە ورتاق زەينەتاقى بويىنشا جەكەلەي الدىمەن حالىققا قىزمەت كورسەتۋ ورتالىعىنا بەرۋگە ءتيىس بولاتىن. بۇعان قوسا، ءبىرىڭعاي جيناقتاۋشى زەينەتاقى قورىنا تاعى ءبىر ءوتىنىش بەرۋى قاجەت ەدى. زەينەتكەر ءوز زەينەتاقىسىن الۋ ءۇشىن ءارتۇرلى مەكەمەلەرگە بارىپ، ءارقايسىسى 3-7 جانە ودان دا كوپ قۇجاتتان تۇراتىن ءۇش بولەك قۇجاتتار پاكەتىن دايىنداۋ كەرەك بولاتىن»، - دەپ ءتۇسىندىردى م. ايسينا.

ونىڭ سوزىنە قاراعاندا، كومپوزيتتىك ءتاسىل وسى بارلىق ءۇش قىزمەتتى تەك حالىققا قىزمەت كورسەتۋ ورتالىعى ارقىلى ءبىر ءوتىنىش بويىنشا الۋعا مۇمكىندىك بەرەدى، قۇجاتتار سانى ءبىراز قىسقارىپ، ازاماتتار ءۇشىن ىڭعايلى ءارى تۇسىنىكتى بولادى.

«زاڭ جوباسى ارقىلى قۇرامىنا 55 كورسەتىلەتىن قىزمەت بىرىكتىرىلەتىن وسىنداي 21 كومپوزيتتىك قىزمەتتى ەنگىزۋ كوزدەلىپ وتىر. اسىرەسە، مۇمكىندىگى شەكتەۋلى بالالارى بار وتباسىلار ءۇشىن 6 كورسەتىلەتىن قىزمەتتى بىرىكتىرگەندە نەمەسە جۇمىسىنان ايىرىلعان جاعدايدا الەۋمەتتىك تولەم تاعايىنداۋ كەزىندە 4 كورسەتىلەتىن قىزمەت قوسىلعاندا جانە باسقا دا جاعدايلاردا اسا ماڭىزدى»، - دەدى دەپۋتات.

بۇدان بۇرىن حابارلانعانداي، جالپى وتىرىستا قۇجاتتاردى قازاقستان اۋماعىنداعى كەز كەلگەن تىركەۋشى ورگانعا وتكىزۋگە بولاتىنى ايتىلعان ەدى.


باستى سوزدەر: بيلئك جانة ساياسات,
:ءبولىسۋ

اأتور:

novasa

ونلاين قىزمەتكەرلەر
مۇراعات