گەننادي گولوۆكيننىڭ كەلەسى قارسىلاسى قانداي جەتىستىكتەرگە جەتكەن؟
ونىڭ كەلەسى قارسىلاسى - كانادالىق ستيۆ روللس (19-0، 10 ك و)، دەپ حابارلايدى قازاقپارات ءتىلشىسى.
ستيۆ روللس كانادانىڭ ونتاريو پروۆينتسياسىندا دۇنيەگە كەلگەن. GGG- دەن ەكى جاس كىشى. وسى اپتانىڭ باسىندا 35 كە كەلدى. س. روللس بوكستان ۇلتتىق قۇرامانىڭ ساپىندا دا بولدى. اۋەسقوي بوكستا 83 رەت جەڭىسكە جەتىپ، 14 رەت ۇتىلعان. 2009-جىلى يتاليانىڭ ميلان قالاسىندا وتكەن حالىقارالىق بوكس قاۋىمداستىعىنىڭ (AIBA) ەرلەر اراسىنداعى چەمپيوناتىنا دا قاتىستى. العاشقى ەكى جەكپە-جەكتە جەڭىسكە جەتتى. الايدا 2008-جىلعى وليمپيادانىڭ قولا جۇلدەگەرى ۆيدجەندەر سينگحتان ۇتىلىپ قالدى. دەگەنمەن، وسى جارىستان كەيىن روللس الەم بويىنشا 12-ورىنعا كوتەرىلدى.
2011-جىلى ستيۆ روللس كاسىبي بوكسقا اۋىسىپ، ەكىنشى ورتا سالماقتا (76,2 كەلى) ونەر كورسەتە باستادى. جەكپە-جەكتەردىڭ باسىم بولىگىن ءوز ەلىندە وتكىزدى. التى رەت ا ق ش- تا جۇدىرىقتاستى. س. روللس وسى ۋاقىتقا دەيىن بىردە-ءبىر رەت جەڭىلمەگەن. 19 جەكپە-جەكتى 10 رەت نوكاۋتپەن اياقتادى. وعان قارسى شىققان بوكسشىلاردىڭ ىشىندە كەاندرە لەزەرۆۋد (21-6-1، 13 KO)، داميان بونەللي (23-6، 20 KO)، اندريك سارالەگي (8-5، 6 KO)، دەموند نيكولسون (21-3-1، 20 KO)، اتتيلا كوروش (15-18-1، 11 KO)، ەممانۋەل سانچەس (7-12-1، 1 KO)، ستيد ۆۋدەلل (15-1-1، 10 KO)، تاي ەدموندس (11-3، 8 KO)، يوزەف كورماني (19-42-1، 6 KO)، نوربەرت شەكەرەش (18-73-4، 9 KO) سىندى بوكسشىلار بار. س. روللس 12 راۋندىق جەكپە-جەكتى ءالى وتكىزگەن ەمەس. دەگەنمەن، ا ق ش بويىنشا USBA تيتۋلىنىڭ يەگەرى بولىپ سانالادى. بۇعان دەيىن يۋنيورلار اراسىندا NABF بەلبەۋىن دە ۇتقان بولاتىن.
ايتا كەتەيىك، گەننادي گولوۆكين مەن ستيۆ روللس اراسىنداعى جەكپە-جەك 8- ماۋسىمدا نيۋ-يوركتىڭ (ا ق ش) Madison Square Garden ارەناسىندا وتەدى. ۋاقىت ايىرماشىلىعىنا بايلانىستى قازاقستانداعى ترانسلياتسيا 9 ماۋسىمدا بولادى. ولاردىڭ جەكپە-جەگى ارالىق سالماق - 73,8 كەلىدە ۇيىمداستىرىلادى. GGG- ءدىڭ ءوزى ورتا سالماقتا - 72,5 كەلىدە ونەر كورسەتەدى.
«مەن ءوزىم MSG- دەگى كەزەكتى Big Drama Show-دىڭ الدىندا قاتتى قوبالجىپ تۇرمىن. MSG فاناتتارى فانتاستيكا عوي. مەن بوكستى جاقسى كورەمىن. سوندىقتان ستيۆ روللسقا قارسى جەكپە-جەگىمدى كورەتىندەرگە ەڭ ۇزدىك ونەرىمدى كورسەتۋگە ۋادە ەتەمىن»، - دەيدى گ. گولوۆكين.