+7 (701) 759 90 19 Лента
13 °С : استانا
19 °С : الماتى
USD 377.11 EUR 424.21
RUB 5.91 CNY 56.19
جاڭالىقتار

وبلىس اكىمى قالادان اۋدانعا قاتىناپ جۇمىس ىستەيتىن اكىمدەرگە ەسكەرتۋ جاسادى

17 ءساۋىر 09:55 189
:ءبولىسۋ
وبلىس اكىمى قالادان اۋدانعا قاتىناپ جۇمىس ىستەيتىن اكىمدەرگە ەسكەرتۋ جاسادى

اقتوبە. قازاقپارات - اقتوبە قالاسىندا تۇرىپ، اۋدانعا قاتىناپ جۇمىس ىستەيتىن اكىمدەر ءوڭىر باسشىسىنىڭ سىنىنا ىلىكتى، دەپ حابارلايدى قازاقپارات ءتىلشىسى.

اقتوبەدە وبلىس اكىمى وڭداسىن ورازاليننىڭ توراعالىعىمەن مەملەكەتتىك ورگانداردىڭ اتقارۋشىلىق جۇمىس ءتارتىبى قارالدى. وبلىس اكىمى اپپاراتىنىڭ باسشىسى نۇرجاۋعان قالاۋوۆتىڭ ايتۋىنشا، وسى جىلدىڭ 16- ناۋرىزىنان 13 - ساۋىرىنە دەيىن ءارتۇرلى مەملەكەتتىك ورگاندار 2 حاتتامانىڭ ورىنداۋ مەرزىمدەرىن وتكىزىپ السا، 5 حاتتامالىق نۇسقاۋ ورىندالمادى. مىسالى، وبلىستىق جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسى مەملەكەت تاراپىنان قولداۋ جانە كومەككە مۇقتاج ازاماتتارعا الەۋمەتتىك ءتولقۇجاتتاردى جيناۋ تاپسىرماسىن دۇرىس ورىنداي المادى. باسقارما باسشىسى قايرات وتاروۆ بۇگىنگى كۇنگە دەيىن جۇمىستىڭ تەك 21 پايىزى ورىندالعانىن مويىندادى.

 «وزدەرىڭىز ۋاقىتتى بەلگىلەپ، 18 - ناۋرىزعا دەيىن اياقتايتىندارىڭىزدى ايتتىڭىزدار. الەۋمەتتىك تۇرعىدان ءالسىز وتباسىلاردى عانا ەمەس، الەۋمەتتىك پاسپورتتاردى جاساۋ وتە ماڭىزدى جۇمىس. بولاشاقتا الەۋمەتتىك ءال- اۋقاتتى جاقسارتۋ جانە ءتيىمدى جۇمىس ىستەۋ ءۇشىن وبلىستا تۇراتىنداردىڭ بارلىعىنىڭ الەۋمەتتىك جاعدايى تۋرالى قۇجات بولۋى كەرەك. ال ءسىز باستاپقى بازانى دا جاساي المادىڭىز. وزدەرىڭىز بەلگىلەگەن مەرزىمگە ساي كەلمەگەندىكتەن، ءسىزدىڭ جوسپارلاۋدى نەمەسە جۇمىس ىستەي المايتىنىڭىزدى كورسەتەدى. ەكەۋى دە جازالانۋعا لايىقتى»، - دەدى وبلىس اكىمى و. ورازالين.

سونداي- اق ءبىلىم جانە دەنساۋلىق ساقتاۋ باسقارمالارىنىڭ باسشىلارى ءلاززات ورازبايەۆا مەن اسەت قاليەۆتىڭ دە جۇمىستارى سىنعا ۇشىرادى. ولار باسقاراتىن مەملەكەتتىك ورگاندار مەملەكەتتىك ساتىپ الۋ تۋرالى كونكۋرستىق قۇجاتتامانى ۋاقىتىندا ۇسىنباعان. وسىنداي بۇزۋشىلىقتار اقتوبە قالاسى اكىمدىگىنىڭ قۇرىلىس، تۇرعىن ءۇي- كوممۋنالدىق شارۋاشىلىق، جولاۋشىلار كولىگى جانە اۆتوموبيل جولدارى بولىمدەرىندە دە جىبەرىلگەن.

 ءوڭىر باسشىسى باسپا ءسوز قىزمەتىنىڭ حابارلاۋىنشا، وڭداسىن ورازالين وزدەرىنىڭ جاۋاپتى جۇمىس ورىندارىنا اقتوبەدەن قاتىنايتىن اۋدان اكىمدەرىن سىن تەزىنە الدى.

«اقتوبەدە تۇرىپ، جۇمىسقا قاتىنايتىن اۋدان اكىمدەرى بار. بۇل نەمقۇرايلىلىق دەرەۋ توقتاتىلۋى كەرەك. سىزگە بەلگىلى ءبىر ەلدى مەكەندەردى باسقارۋدى سەنىپ تاپسىردىق، بۇل ءسىز جانە ءسىزدىڭ وتباسىڭىز سول جەردە تۇرۋ كەرەك دەگەندى بىلدىرەدى. ايتپەسە، ءسىز اۋىل تۇرعىندارىنىڭ ناقتى ماسەلەلەرىن بىلە بەرمەيسىز»، - دەپ ءتۇسىندىردى و. ورازالين.

جيىن اقتوبە قالاسىنىڭ 150 جىلدىق مەرەيتويىنا دايىندىقتى قاراستىرۋمەن جالعاستى. جۇرگىزىلگەن جۇمىستار تۋرالى ءىلياس يسپانوۆ باياندادى.

بايانداما قورىتىندىسى بويىنشا وبلىس اكىمى قالا باسشىلىعى جاڭا وندىرىستىك جانە الەۋمەتتىك نىسانداردى اشۋعا، مادەني، ويىن- ساۋىق ءىس- شارالارىن وتكىزۋگە عانا كوڭىل ءبولىپ، قالانىڭ اباتتانۋى، تازالىعى مەن سىرت كەلبەتى تۋرالى ۇمىتقانىن اتاپ ءوتتى.

 «سانيتارلىق تازالاۋ، كوشەلەردى جارىقتاندىرۋدى قامتاماسىز ەتۋ بويىنشا جۇمىستار ناشار جۇرۋدە. سوندىقتان اقتوبە تۇرعىندارى بۇل تۋرالى الەۋمەتتىك جەلىلەردە ءجيى جازادى. جولداردى تازالايسىز - جيەگىن قالدىراسىز. اعاشتاردى ءبىر جەردە وتىرعىزاسىز، ەكىنشىسىندە وتايسىز، بۇكىل قالانىڭ اۋاسىن شاڭ باستى. جولداردىڭ جاي- كۇيى، ارىقتاردىڭ جاعدايى ەشقانداي سىن كوتەرمەيدى. ءتىپتى، سەنبىلىكتەر سياقتى جاقسى ءىس- شارالار دا ناشار جۇرگىزىلۋدە. تازالاۋدان كەيىن تاۋ بوپ قوقىس قالادى، ولار شىعارىلمايدى. ءسىزدىڭ ورىنباسارلارىڭىز مۇنىڭ بارىمەن اينالىسۋى كەرەك. ولاردىڭ جاۋاپكەرشىلىگىن قاراستىرىڭىز»، - دەپ تاپسىردى قالا اكىمى ءىلياس يسپانوۆقا ءوڭىر باسشىسى وڭداسىن ورازالين.

اۆتور: التىناي ساعىندىقوۆا


:ءبولىسۋ

اأتور:

novasa

ونلاين قىزمەتكەرلەر
مۇراعات