قوستانايدا قار جاۋىپ، بوران سوعىپ تۇر

قوستاناي. قازاقپارات - قوستاناي وبلىسىندا كەنەتتەن قار جاۋدى، دەپ حابارلايدى قازاقپارات ءتىلشىسى.

 قالا تۇرعىندارى كەنەتتەن جاۋعان قاردىڭ سۋرەتتەرى مەن بەينەجازبالارىن الەۋمەتتىك جەلىلەردە جارىسا ءبولىسىپ جاتىر. راسىمەن دە، تابيعاتتىڭ توسىن مىنەزى جۇرتتى ابدىراتىپ تاستادى.

«كۇن شايداي اشىق ەدى. تاڭ اتا جەل كۇرت كۇشەيىپ، بۇرقاسىن سوقتى. اينالاسى 2 ساعاتتا اينالانى قار باستى. قازىر بورانداتىپ تۇر. الىس جولعا شىقساق كولىگىمىزدىڭ دوڭعالاعىن اۋىستىرۋ قاجەت»، - دەيدى قالا تۇرعىنى بەردىبولات ساعىندىق.

قازگيدرومەت ورتالىعىنىڭ قوستاناي وبلىسىنداعى فيليالى وبلىس اۋماعىندا جەلدىڭ جىلدامدىعى سەكۋندىنا 28 مەتر بولاتىنىن ەسكەرتكەن ەدى. قازىر سىناپ باعاناسى 3 - گراداستى كورسەتىپ تۇر. اۋا رايىن بولجاۋشىلاردىڭ مالىمەتىنشە، تۇندە ول 8 - گرادۋسقا دەيىن تومەندەۋى مۇمكىن.

اۆتور: قاسقىرباي قويشىمانوۆ